美味青口停不了 @ Frites Belgium on Tap

My Sky Beauty Blog 於 09/10/2016 發表 收藏文章
好友知道我愛食青口, 便相約我去位於上環Frites Belgium on Tap 食晚飯.

這裡的裝修好別緻, 樓頂好高,配上長長的木製餐桌, 令人感覺舒服, 另一邊是酒吧形式, 有大電視機, 可以一邊飲嘢, 一邊睇賽事直播.




坐下後, 先睇下餐牌有甚麼菜式, 因為我也是首次來比利時餐廳食飯.

環顧四周的客人, 枱上總有一鍋青口, 可想而知青口是這裡的招牌菜.

這裡的青口有六款口味俾客人選擇, 真是令人眼光撩亂, 以鍋上枱, 並配有薯條和麵包. 可以選擇1/2 KG或者1KG.

最後, 我地選擇了Mariniere的煮法, 就是傳統的白酒煮青口. 由於我地也愛食青口, 所以點了1KG.

這裡有啤酒, Cocktails Mocktails選擇, 但我還是想飲湯, 點了Flemish Onion Soup.

店員先奉上洋蒽湯.


接着就是我地期待的青口.



上枱時香味撲鼻.


青口的肉質夠嫩滑, 食的時候不會過硬, 又夠多汁, 絶對唔會好乾身. 白酒的味道唔是太強烈, 淡淡的酒香, 較啱我口味.



除了青口, 薯條和麵包也不好忽略.


麵包夠脆身, 與牛油最夾, 而薯條是較為粗身, 較有口感.



另外, 點了Seafood Linguine.



上枱時已被賣相吸引.

扁意粉全被青口包圍着, 估不到有咁多隻青口, 今晚可以話是青口之夜.



仲有其他海鮮, 包括虎蝦和蝦.

這個扁意粉質地煮得較軟身, 我本身愛食腍身, 所以啱我口味, 但友人愛食有口感, 這個可能不太啱佢.

蝦肉的肉質夠爽口彈牙, 味道不錯, 反而虎蝦遜色咗少少, 唔夠彈牙.

青口也不錯, 這個是忌廉整法, 與我地剛才食的白酒煮法有所不同.

最後, 當然要來一客甜品, 選了比利時窩夫.



來食比利時菜, 點都要一試佢地的窩夫.

窩夫上有一球雲呢拿雪糕.

窩夫質感和平日食有所不同, 佢是較挺和實心一點, 蛋香味較香濃, 我鍾意食這口感.



而雪糕夠幼滑, 我覺得奶味較重, 同埋無咁易溶.

這一餐比利時菜算是不錯, 尤其是青口, 下次要試下其他味道先得.

留言


請按此登錄後留言。未成為會員? 立即註冊
    快捷鍵:←
    快捷鍵:→