外賣燒德國咸豬手 @ Schnee German Restaurant

My Sky Beauty Blog 於 18/06/2016 發表 收藏文章
我自己鍾意食德國豬手, 偶然也會外賣返屋企作為加料. 早前從友人口中得知位於銅鑼灣的Schnee German Restaurant有得外賣豬手, 所以我也第一時間訂了一份燒德國咸豬手.

豬手製作時間大約四十五分鐘, 所以我放工後就來拎.

放工時間, 特別多人, 由銅鑼灣返到屋企都要成個鐘.

佢地是用紙盒載着豬手俾客人外賣, 我問佢有無紙袋, 但佢地話無咁大個袋,雖然佢地話唔會咁易爛, 但拎成個鐘返屋企, 始於有個紙袋好一點.



打開個盒, 豬手是用紙袋載着.

而配材有薯仔, 酸菜就用盒載着.



另外, 有兩款醬料, 客人可以因應自己的喜愛而選擇.



豬手都算幾大隻, 而且切好, 就咁夾來食便可以.



返到來屋企已經成個鐘, 豬手皮當然不是完全脆卜卜, 但入口仍然算脆身.

豬手皮夠薄身, 入口時感覺似食薯片.



豬手肉幾腍身, 肉汁不錯, 不會覺得好硬和乾身.

入口時帶有咸香的肉味, 味道調教不錯, 即使單食也夠味.

我也試了點芥末醬一齊食, 感覺完全不同, 多了一份辣味和芥末香味, 而且更能帶出豬手肉的鮮味, 兩種食法我也鍾意.


薯仔軟硬適中, 而酸菜我本身唔太鍾意食, 所以只是試了少少.

留言


請按此登錄後留言。未成為會員? 立即註冊
    快捷鍵:←
    快捷鍵:→