黑布街覓食@Knockbox Coffee Company

My Sky Beauty Blog 於 21/06/2015 發表 收藏文章
旺角的黑白布街有不少Café和甜品店, 早前就去了位於黑布街的Knockbox Coffee Company食嘢.


店子較細, 一邊是Bar枱, 另一邊是兩人座位. 我地坐在兩人座位.

點了炸魚配薯條, 可以選擇For one or For two. 我地點了For two.

另外, 點了Coffeette咖啡華夫和焦糖燉蛋撻.

炸魚配薯條熱辣辣上枱. 這裡炸魚的做法和我平日食的有點不同.



炸魚的外皮好鬆脆, 而不是沾滿厚厚的炸粉. 入口鬆化.

也奉上蜜醋點來食.



而肉質好滑, 無雪味. 啖啖肉最適合我.



薯條口感完全不同, 炸得好脆, 薯條是幼身, 薯味十足.

見到Menu 有Coffeette咖啡窩夫, 幾特別, 我自己未食過, 所以就試下.

一共有三款口味, 我地點了Cookies & Cream. 這是香脆可可脆卷, 焦糖香蕉配上碎曲奇朱古力雪糕.

上枱時, 賣相吸引, 份量都幾大, 加上有不同材料, 感覺豐富.



咖啡窩夫外皮微微脆, 內裡是軟身, 口感有點似蛋糕, 窩夫面有朱古加醬, 再加上碎曲奇朱古力雪糕, 多重口感.



不知道每碟咖啡窩夫數量是否隨意呢~ 我同我朋友叫同一款, 但我那碟少了一粒, 希望店員下次留意下~

最後是焦糖燉蛋撻.



初時以為燉蛋撻面有脆脆焦糖, 但原來不是, 同我想像中有出入.

燉蛋幾滑, 甜品適中, 蛋味算可以.


不知是否這裡店子較細, 店員不會將食物送到你枱面, 而是穿過bar枱的人, 遞俾你, 再由你自己伸手去接, 希望這方面可以改善一下.

留言


請按此登錄後留言。未成為會員? 立即註冊
    快捷鍵:←
    快捷鍵:→