不錯的意大利菜 @ M3 Italian

My Sky Beauty Blog 於 27/05/2015 發表 收藏文章
雖然我是住在沙田, 但我多數只在新城市廣場食飯, 甚少去沙田圍那邊, 沒想到那裡也有得食意大利菜, 早前首次去M3 Italian食晚飯.

首先點了M3沙律.



材料豐富, 有香草燒雞, 挪威煙三文魚, 帕爾馬腿, 羊奶芝士, 蕃茄乾, 什菜沙律和麵包粒.


本身不食生的我, 可以食香草燒雞. 雞幾嫩滑, 配上沙律幾夾, 再點埋黑醋汁, 好醒胃.

跟住就是主菜, 點了薯仔麵糰配辣肉腸及巴馬臣芝士, 香煎原條龍脷魚配燒薯仔及黑牛油檸檬汁, 瑪格麗塔三色薄餅和烤加拿大豬鞍配墨西哥汁.

首先是烤加拿大豬鞍配墨西哥汁.



豬鞍份量幾大, 肉質幾嫩滑, 幾鮮味, 口感不錯, 再配上平日較少食的墨西哥汁, 帶微微的酸, 這樣配搭我幾鍾意.



香煎原條龍脷魚配燒薯仔及黑牛油檸檬汁.


魚我是選擇性去食, 這個原條龍脷魚上枱已香味撲鼻.因為是用煎的方法, 外皮香口, 肉質幾硬身, 而且魚肉也好容易起, 整條魚得一條主骨, 最啱怕魚骨的我.

瑪格麗塔三色薄餅.


這個薄餅是薄身, 所以餅底幾脆. 配上蕃茄和我最愛的芝士, 雖然材料簡單, 但好味.



薯仔麵糰配辣肉腸及巴馬臣芝士.



最初上枱時不太感興趣, 但試了個薯仔麵糰後, 煙煙靭靭, 口感一流, 再配上甜甜酸酸的配料和帶點辣的肉腸, 產生甜, 酸和辣不同味蕾.
最後就是甜品. 點了心太軟配雪糕.



這個心太軟真是夠流心, 一切開, 朱古力漿湧出, 朱古力味算幾濃郁, 配埋雪糕, 一冷一熱, 好夾.



這裡的份量幾大, 價錢也相宜, 日後多了一個食飯的地方可以選擇.

留言


請按此登錄後留言。未成為會員? 立即註冊
    快捷鍵:←
    快捷鍵:→