HAPPY FRIDAY @ La Casa Bistro

My Sky Beauty Blog 於 06/06/2016 發表 收藏文章
忙完一個星期, 終於到咗星期五HAPPY FRIDAY時間, 當然要食好好輕鬆一下, 我地去了位於中環的La Casa Bistro食飯.

這裡的情調不錯, 好適合情侶到來食飯.

而牆上也掛上一些畫作為點綴.

這裡有Set Dinner選擇, 但不是太啱我心水., 所以我單點.

所有意粉, 意大利飯或主菜, 加$80可轉為晚餐, 包括頭盤, 是日餐湯和所選主菜.

這個彈性較大, 所以我單點了美國黑毛豬配燒薯法邊豆及牛肝菌忌廉汁.

頭盤可以從餐牌中選一款, 除了意式小食拼盤.

所以我選了香蒜檸檬菜白酒汁煮大蜆.

是日餐湯我選了雜菜湯.

店員先奉上麵包, 一共有三款.


當中最愛法國包, 夠脆身, 與牛油最夾.



香蒜檸檬菜白酒汁煮大蜆.



一碟大約有七八隻蜆.

蜆肉算幾大隻, 入口夠彈牙, 幾新鮮, 最重要是無沙.



白酒汁唔太覺, 反而入口有淡淡的檸檬香味.

雜菜湯.


個湯幾清, 入口帶少少酸酸地, 幾醒胃.

材料也好豐富, 有我鍾意食的蘆筍和蕃茄.



主菜出場.

美國黑毛豬配燒薯法邊豆及牛肝菌忌廉汁.




上枱時已被吸引.

黑毛豬都幾大件.

配菜是燒薯和法邊豆.




肉質相當鬆軟嫩滑, 完全不覺得硬. 而且肉的色澤帶微微粉紅色.


肉味仲好濃郁.

我自己鍾意食瘦肉, 這個黑毛豬除了根位帶少許肥外, 全部也是瘦, 但又夠腍身, 完全合我心意.

這是我近期食最滿意的黑毛豬.

最後, 我點了個甜品, 叫芒果拿破侖配紅莓.



賣相好精緻.

拿破崙皮好鬆化, 一層夾一層, 兩者之者夾有芒果味混入忌廉中.


忌廉夠香滑, 芒果肉都幾甜.

而旁邊另放了一些紅莓和芒果.


紅莓帶酸, 而芒果帶甜, 起中和作用.

食完整份甜品也不覺得膩.

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→