黑松露帶子肉餅菜飯 @ 肉餅哥小炒料理

My Sky Beauty Blog 於 28/03/2016 發表 收藏文章
平日外出食飯多以日式,西餐為主,中式相對較少,今次想轉變一下口味,去了位於荃灣的肉餅哥小炒料理食午飯,一聽個名好有住家飯的感覺.



店舖外已列出這裡所有的肉餅款式,一共有32.



店內怖置以簡約為主.



這裡午餐的肉餅價錢分$48, $58$98.

肉餅可選擇煎或蒸.

可配白飯,菜飯,油飯,薑蔥撈麵,烏冬和漢堡包. 由於我去食時係試業階段,只有前三款供應.

最後選了黑松露帶子肉餅菜飯,肉餅要煎. 另一個是牛肉流心芝士肉餅菜飯,肉餅要蒸.

老火湯是粉葛蓮藕湯.



這個天氣, 最適合飲湯滋潤一下喉嚨.

個湯幾清甜, 仲有粉葛和蓮藕食, 我自已鍾意食煲完湯的湯料.

首先, 是黑松露帶子肉餅菜飯上枱.



由於是揀了煎的肉餅, 所以肉餅較為黃金色, 但就略為黑咗少少.

肉餅外層入口時帶點微脆, 較為香口.



松露和帶子混入肉餅中, 味道調教不錯. 而肉餅也不會太乾身.

但松露味唔太覺, 而且帶子也較細粒, 口感相對較細, 若帶子能夠切大粒些, 更加好味.



牛肉流心芝士肉餅菜飯.



切開肉餅, 會見到芝士夾在肉餅中間, 估不到兩者都幾夾.

諗住流心芝士, 切開應該有芝士流出, 可惜芝士未能造出這個效果.



但有這個創意也不錯.

蒸肉餅感覺似係屋企食飯, 因為這是住家菜式之一, 較為親切.

唯一是我覺得肉餅唔夠熱. 餸還是熱辣辣較好味.

飲品點了熱檸水.


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→