黃大仙覓食 @ Olive ERA

My Sky Beauty Blog 於 20/08/2015 發表 收藏文章
上星期經朋友介紹去了黃大仙現崇山商場的Olive ERA食晚飯.

這裡環境幾舒服, 好適合情侶或三五知己傾計食飯.

首先點飲品先, 我點了水果花茶.



水果花茶上枱時有火保持着温度, 所以飲的時候仍然是熱, 我自己就鍾意飲熱茶.

這款水果花茶幾清新, 茶味不會過濃, 水果夠甜, 加上花茶的清香, 兩者幾夾, 好啱我口味.

頭盤我地點了法式焗海鮮班戟配龍蝦汁.



上枱時已覺得賣相幾精緻.

班戟內的材料也幾豐富, 有蝦肉, 蔬菜等, 口感不錯.



餐湯是番茄忌廉湯.



湯味道尚算適中, 也不會太稀, 加入了忌廉的湯變得更滑身.

主菜點了珍寶牛仔意大利雲吞, 扒紐西蘭肉眼扒10安士配美國煙肉焗薯和煙肉蛋汁天使幼麵.

珍寶牛仔意大利雲吞.



這個雲吞, 內裡的餡是牛肉, 而不是豬肉, 啱晒愛食牛的我, 肉質唔會太乾身, 保留到肉汁, 而雲吞皮的厚度適中.



扒紐西蘭肉眼扒10安士配美國煙肉焗薯.



上枱時已被牛扒的SIZE嚇親, 份量真係好大, 足夠幾個女仔一齊食.



因為我唔食生, 所以牛扒基本上是全熟. 雖然是全熟, 但牛扒又無想像中咁硬, 完全可以接受. 而且味道調教不錯, 牛味也算濃.



除了牛扒, 煙肉焗薯絶對不能忽視. 薯仔面混入煙肉和忌廉芝士, 不但香噴噴, 同薯仔是最佳拍檔.

煙肉蛋汁天使幼麵.

天使幼麵上的温泉蛋是焦點所在. 當弄開蛋時, 蛋黃流出, 這個時間掌握好重要.



蛋汁混入天使幼麵一齊食, 充滿蛋香.



而煙肉本身偏咸, 與天使幼麵一齊食就能中和咸味.

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→