飯聚 @ 鴻運泰國美食

My Sky Beauty Blog 於 28/11/2015 發表 收藏文章
較早前放工後, 去了蘭桂芳附近的鴻運泰國美食食飯. 自己不飲酒, 所以甚少來蘭佳芳這一帶, 因為俾我印象是飲酒happy hour的地方, 原來這裡也有一些食店.



在這裡食飯, 還可以選戶外在, 為了感受氣氛, 我地選擇在係戶外.



食泰國菜, 我多數飲椰青.



椰青清甜又多水, 而且椰青的肉也可以整出來食, 幾嫩滑.



加上泰國菜較濃味, 所以飲椰青可以解一解, 非常之夾.

首先點了芭堤雅蝦湯.



這個蝦湯材料豐富, 蝦的肉質幾彈牙.

本身不太食得辣的我, 這個湯只是微微辣, 幾惹味, 我又接受到, 入口時, 有蝦的鮮甜味, 仲帶有淡淡的椰香味道.



串燒沙爹.

來食泰國菜, 串燒也是必點的款式之一. , 牛和豬各點了兩串.



串燒是濃味菜式, 又夠惹味, 令人不知不覺食多咗.

三款串燒, 我自己特別夠食牛, 因為牛味較濃.



而雞和豬的肉質也幾腍身.

串燒本身的味道已經啱我口味, 所以我沒有再點醬汁. 對於我來講, 這樣更能食出肉本身的味道.

泰式燒春雞.


份量都幾大碟.


雞皮夠香脆, 但入口又不覺得油膩.

雞肉幾嫩滑, 入口帶有咸香味. 即使就咁食, 也不覺得過咸, 味道適中.



蒜蓉辣椒炒蝦.



上枱時已被佢的蒜蓉香味和賣相所吸引.

蝦幾大隻, 入口時也夠爽, 加上香濃的蒜蓉味道, 特別惹味.



最後, 甜品時間. 我地點了椰汁西米糕.



椰汁味道夠香, 西米時間控制相當重要, 這個就不錯, 所以西米夠煙煙韌韌.

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→