賣相精緻, 味道不俗 - IFC Isola Bar & Grill

My Sky Beauty Blog 於 27/05/2014 發表 收藏文章
喜歡四圍覓食的我, 上星期又出動啦~ 在港島區工作的我, 平時若在港島區食飯, 多在銅鑼灣, 今次換下地區, 去了位於IFC的Isola Bar & Grill食晚飯.

這裡的環境好靚, 雖然不是坐在近窗邊的位置, 但也能稍遠看到夜景.

點完菜後, 待應先奉上麵包, 一籃有五款包, 款款口感也不同.



前菜點了24個月巴馬火腿配密瓜和生牛肉片配黑松露鵝肝醬.

本身不食生野, 而對於巴馬火腿也是選擇性食, 這個24個月巴馬火腿配密瓜估不到出奇好食, 平日多時食一兩塊便不食, 但這個我卻越食越滋味.



巴馬火腿不但夠薄, 自己較鍾意風乾時間長一點的火腿, 口感不錯, 又不會太咸. 最重要是密瓜非常甜, 配合巴馬腿一齊食就啱啱好.



朋友點了生牛肉片配黑松露鵝肝醬. 對於不食生嘢的我, 當然不能接受, 賣相卻幾靚. 朋友話生牛肉出奇地易入口, 不會有好勁的血腥味道, 再配埋菜食就更易接受.



主菜點了鹽焗鱸魚伴火箭菜沙律和巴馬火腿黑毛豬脊肉卷伴薯蓉.

我點了巴馬火腿黑毛豬脊肉卷伴薯蓉.

黑毛豬脊肉幾鮮味, 肉質不錯, 幾嫩滑. 外層包上巴馬火腿, 雙重口感, 味道又適中. 我也是首次這樣食巴馬火腿.


朋友點了鹽焗鱸魚伴火箭菜沙律.

外層有一個由鹽混入麵粉整成的外蓋包着鱸魚, 這樣魚肉有點咸味, 能帶出魚的鮮味, 魚質仲好滑.



食完了前菜和主菜, 甜品真然是不可缺少~

甜品點了意大利軟芝士蘋果批.

這個甜品上枱時, 我已被佢的賣相所吸引住.


熱辣辣的蘋果批上有雪糕, 這樣冷熱兩種不同的味覺, 在口中產品特別的口感.



而這裡的蘋果批真是有一片片的蘋果, 不是蘋果蓉, 我自己就喜歡這樣整法, 加上鬆脆的酥皮, 我自己好愛這個甜品.

由於我食得較為甜, 所以覺得甜度適中, 但朋友就覺得甜咗一點, 這個就因個人口味而有所不同.

這餐真是好豐富. 最後, 待應還奉上朱古力和甜餅, 真是好驚喜.


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→