環境舒服, 食物質素不錯 - Dabyida Restaurant and Bar

My Sky Beauty Blog 於 10/10/2013 發表 收藏文章
平日在尖沙咀食lunch, 總是人頭湧湧, 想舒服地和朋友食餐飯也好難. 早前俾我發現一間不錯的店舖, 就是位於棉登徑的Dabyida Restaurant and Bar.



棉登徑一帶相對無咁多人, 當我入到店裡, 已經覺得好舒服, 可以同朋友慢慢食, 慢慢傾.

先睇下這裡的Lunch Set, 一共有六款, 再配上餐湯, 蒜蓉包和餐茶.

若不想食Set, 可以單叫.



今次我揀咗意式香草酥糠焗海鱸魚柳, 配雜菜湯.
朋友揀咗焗肉醬意大利粉, 配雜菜湯.

另外, 我地再加咗前菜, 海蝦凱撒沙律和意大利凍肉拼盤.

先上前菜.

海蝦凱撒沙律內有大蝦, 蔬菜和一塊芝士在面, 上枱前同我灑上少許胡椒粉.





蔬菜好新鮮帶點鮮甜, 仲好爽口, 而大蝦夠彈牙, 只是味道略為淡一點. 最愛菜面上的芝士, 同菜好配合, 食完感覺好fresh.

意大利凍肉拼盤內有四款不同的肉, 賣相不俗~ 味道由淡到濃味都有. 可以配合沙律一齊食, 份量夠兩個人食, 味道算不錯, 自己最愛火腿.



接着, 就是雜菜湯和蒜蓉包.

雜菜湯唔會太水, 當中有不少的蔬菜, 味道也剛好, 幾醒胃.



試過有些餐廳的蒜蓉包放得太耐, 過晒氣, 完全唔脆. 但這裡的蒜蓉包烘得好鬆脆, 而且包上有切碎的蒜蓉粒, 我自己最愛, 若再多一些蒜蓉味就更正.


主菜出瑒啦~

朋友話焗肉醬意大利粉口感不錯, 意大利粉軟硬適中, 而且唔會過多的醬. 意粉面上的芝士好吸引呢~ 但朋友略嫌蕃茄味不夠.



我在餐牌上見到意式香草酥糠焗海鱸魚柳就被吸引住, 平日我的食法多是煎或炸, 酥糠焗較少食, 所以想一試.



食魚我最怕腥, 這個鱸魚不腥, 魚的肉質幾滑, 味道不錯, 這個食法就表面有點脆, 但又唔會蓋過魚的味道.


我幾鍾意個沙律, 當中有蕃茄, 加上個汁甜甜地, 幾醒胃. 薯仔也不錯.



食完嘢, 最好就是飲番杯熱咖啡, 這樣就完美.



如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→