玩味十足 @ Smokey Ice

My Sky Beauty Blog 於 19/11/2017 發表 收藏文章
愛食甜品的我, 最鍾意去不同的甜品店試新嘢, 今次就由朋友帶領下, 去了位於旺角的Smokey Ice.

這裡所賣的甜品款式好有諗頭,只睇圖片和甜品名, 真係估不到係甜品.

我先點了一杯特飲, 叫藍天之雲 Blue Sky. 同我個名一樣, 當然要試下.



杯飲品幾靚, 味道也不錯, 唔會太甜.

先點一個咸點, 選了炸物拼盤 Fried Combos.



當中有雞翼, 薯條, 魚餅和雞塊.

幾款都好食, 而我最鍾意係薯條.

薯條外脆內軟, 薯味和口感一流.



食完小食, 當然到主角出場, 就係甜品.

甜品種類仲有窩夫,吐司,特式雪糕等,還有小食,特飲,選擇也有不少.

最後點了好似係腸粉 Coconut roll and fried mochi, 香蕉榛子醬西多士 Nutella And Banana Toast七成熟牛扒雪糕 Medium Well Ice-cream.

好似係腸粉 Coconut roll and fried mocha.



真係好似腸粉, 入口一樣滑溜, 原來這是椰子, 入口有淡淡的椰子味, 好味道.

好似魚蛋, 就是炸糯米糍, 煙煙韌韌.



七成熟牛扒雪糕 Medium Well Ice-cream.



以鐵板上枱的甜品我也是首次見.

牛皮原來是朱古力雪糕拼士多啤梨雪糕.



配料的粟米芯原來係香蕉整成.

朱古加雪糕混入朱古力碎, 多了一份口感, 味道又夠濃郁.



香蕉榛子醬西多士 Nutella And Banana Toast.



最邪惡的食物, 永遠係最好味道.

多士面放滿了香蕉, 榛子醬, 忌廉和朱古加醬, 幾款配料好夾, 多重口感.



而切開後, 西多士饀中也是榛子, 絶對啱晒愛甜的朋友.

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→