潮蒸海鮮精選餐 @ 小肥牛蒸氣石鍋火鍋專門店

My Sky Beauty Blog 於 03/07/2016 發表 收藏文章
近期興食蒸氣火鍋, 早前便去了油麻地的小肥牛蒸氣石鍋火鍋專門店食飯.

這裡有三個套餐選擇, 我地選了中間價錢, 每位$398的潮蒸海鮮精選餐.

首先, 就是混醬, 醬汁有九款.



以下是我的混醬.



接着先奉上四前菜.

當中包括柚子蓮藕, 魚翅白飯魚, 帶子裙邊和蟹子沙律.



柚子蓮藕配搭幾特別, 柚子味道幾醒胃.

而我自己最鍾意食帶子裙邊, 幾有口感..

接着, 主菜上枱.







海鮮也幾豐富.



當中包括阿拉斯加蟹腳, 生猛海草蝦, 南非六頭鮮鮑魚, 日本大元貝和紐西蘭馬刀貝.

粥底我地選了南瓜做粥底.



店員一口氣將所有海鮮放在鍋中, 大約蒸五分鐘便可以食.



海鮮蒸熟, 非常吸引.

當中我最鍾意食是日本大元貝, 佢好大隻, 帶子夠鮮甜, 又夠彈牙.



另外, 是南非六頭鮮鮑夠厚身, 有咬口, 又夠爽口, 而且清洗得好乾淨.



其他的海鮮也夠新鮮, 味道也鮮美.



再來是肥牛和蟲草花蒸雞烏冬底.

肥牛色澤幾靚.



入口幾腍身, 不會覺得乾身.



蟲草花蒸雞烏冬底.



雞肉幾滑身, 若果肉再多一點會更佳. 而烏冬幾彈牙, 口感不俗又吸收咗材料的精華, 特別好味.



農家5寶.

當中包括蕃薯, 薯仔, 粟米, 鮮淮山和南瓜.


一口氣食了多款海鮮和肉類, 要食番一些蔬果.

完全也鮮甜, 五款當中最愛粟米和南瓜.



最後, 就是食粥.



個粥吸收晒所有材料的精華, 所以夠鮮味.

而粥底也算夠綿.



套餐有生果和泡芙奉送.

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→