愉快一餐 @ 焱丸水產

My Sky Beauty Blog 於 24/04/2017 發表 收藏文章
愛食海鮮的我, 自從在香港多了浜燒的食店後, 我會相隔一排再試新的店舖, 今次便去了位於銅鑼灣的焱丸水產食飯.

店內的裝修充滿和式風格.

而一大班朋友來, 更可以坐榻榻米.



我地先點了一個三文魚牛油果油酢漬.



賣相幾吸引.

我唔食三文魚, 所以只食蔬菜和牛油果.

蔬菜幾新鮮, 與牛油果好夾.

再配上帶酸酸地的醬汁, 夠醒胃, 好適合作為前菜食用, 而且仲好健康.



友人愛食生蠔, 所以點了一隻.

估不到生蠔咁大隻.

友人話夠新鮮, 仲好肥美, 食一隻剛剛好.



貝之風呂浴配烏冬.



個菜名好特別, 原來食材是各式各樣的海鮮.

當然不少得烏冬, 還配有前菜, 沙律和蒸蛋.



先煮滾個海鮮鍋.

再加入烏冬.



個湯好清, 偏向淡味, 因為加入鏗魚包, 所以入口有淡淡魚的鮮味.

各款海鮮也夠新鮮.

而烏冬算幾煙韌.



不得不提個蒸蛋.

蛋的時間控制剛剛好, 所以夠滑身.



最後, 點了蟹味噌甲羅燒, 鮑魚和大蝦.






蝦肉幾爽口彈牙.



鮑魚有口感.



而我自己最愛食蟹味噌甲羅燒.



味道剛剛好, 可以就咁單食.

也可以混入青瓜絲一齊食, 這樣多了一份清新, 雙重口感.

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→