悠閒嘆Brunch @ Popsy Modern Kitchen

My Sky Beauty Blog 於 24/05/2016 發表 收藏文章
對於我來說, 星期日是最放鬆心情的一天, 最好就是嘆番一個Sunday Brunch. 上星期日便去了Popsy Modern Kitchen食Brunch, 這是我首次來這裡食飯.

一踏入餐廳裡, 已被這裡的怖置所吸引.


四圍也有不少以花為怖置, 我相信女士見到特別開心.

這裡的Brunch 時間由上午十一點三十分到下午三點三十分, 時間好充裕, 可以一邊食嘢, 一邊傾計.

Brunch包括任食的Brunch Buffet Bar和Dessert Corner, 再選一個Main Course.


詳情可以參考以下介紹.



Brunch Buffet Bar有各式各樣的沙律, 火腿, 煙三文魚, 冷盤等.


Dessert Corner的甜品整得好精緻, 對於甜品控的我見到就好開心.



Brunch Buffet Bar我就簡單選了小許火腿, 薯仔.


當中我最鍾意食這個煙肉薯仔, 薯仔軟硬度適中, 我鍾意食偏向軟身口感的薯仔.



主菜有六款咁多, 我地選了其中三款, 包括Pumpkin Cart, Seashore和Mighty Meaty.

主菜未到先, 我地另外點了新鮮的石榴汁.



上枱時是普通一杯石榴汁, 但會附上兩款食用的顏料和工具, 客人可以因應自己的喜愛噴上圖案於杯面.



這樣DIY我也是首次玩, 過程幾好玩, 玩完又有得飲.



石榴汁好清甜, 真的好解渴.

Pumpkin Cart.


我自己鍾意食意大利飯, 而這個飯軟硬適中, 又混入了南瓜, 飯同甜甜地的南瓜好配合.



Seashore.



帶子夠彈牙, 唔會過硬.



當中加入了蕃茄乾, 帶點酸酸地, 幾醒胃.

Mighty Meaty.


這是蛋奄列, 蛋香味不俗. 我自己鍾意食再滑蛋一點的口感.



由於我太鍾意食甜品, 基本上Dessert Corner所有的款式我也試了, 全部都好精緻.

總多甜品中, 我被這個藍色的禮物仔吸引住, 原來裡面是棉花糖.




另外, 當然不少得我最愛的朱古力.

外層口感似餅, 內裡的朱古力是軟心, 朱古力味又夠濃, 非常好味.

這個外層是夾餅的口感, 內裡是藍莓cream, 也好好味.



芝士餅質感帶點軟身, 入口有淡淡的芝士味道.

仲有兩款自家製棉花糖, 白色和藍色.

質感和平日食的有所不同, 較為硬身一點, 不會太甜, 食多幾粒都無問題.

這裡的甜品全部細細件, 不但方便進食, 仲可以試多幾款.

加錢點了士多啤梨沙冰.


天氣炎熱飲沙冰就最適合不過, 夠晒透心涼.

士多啤梨味道不俗, 沙冰再杰身一點更好, 因我本身鍾意較杰身的沙冰, 因為質感會更佳.

放假能在這樣舒服的環境中悠閒食飯, 可以為自己充電後再投入新一個星期的工作.

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→