再來一次印度菜 - 中環 Indian Village

My Sky Beauty Blog 於 05/01/2014 發表 收藏文章
新一年開始, 又係時候同朋友聚一聚. 今次我地就去食印度菜. 地點是位於中環的Indian Village.

始終印度菜是較冷門, 所以店內唔算多人, 以外國人為主.

餐廳先送上一客胡椒薄脆, 並附有三款醬料.



三款我也有試, 其中最愛右邊那款, 甜甜地好似甜醬. 下邊綠色就有點酸和微辣. 而上邊就最辣, 我就唔太習慣.



主菜, 我地點了芝士烤雞腿, 菠菜大蝦咖喱. 當然唔少得烤餅, 這由有好多款烤餅選擇, 有咸有甜. 我地選了蒜茸和芝士烤餅.

飲品就點了Mango Lassi.

芝士烤雞腿是以鐵板形式上枱, 所以一上枱已經香味撲鼻.




雞腿是乾身, 但雞肉入口一點都唔乾, 仲好嫩滑, 味道又適中, 對於鍾意食芝士的我, 芝士略為唔夠濃.



接着, 就是菠菜大蝦咖喱, 這個同我想像中有點出入, 蝦唔算大隻, 不過就好彈牙. 由於我唔太食得辣, 所以這個混入菠菜的咖喱就會好一點. 用來配烤餅一流.





烤餅就咁食也可以, 蒜茸烤餅的味道較芝士烤餅突出, 只是烤餅稍為唔夠鬆化.




食咗咁多濃味食物, 當然要飲番一杯Mango Lassi.. 這個正好中和辣味, 芒果夠甜, 乳酪帶一點點酸, 好醒胃, 每次食印度菜也會點這個.



這裡環境較靜, 最啱同朋友一邊食嘢, 一邊傾計.

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→