來虎洞一試沾汁麵

My Sky Beauty Blog 於 20/10/2013 發表 收藏文章
近年日本拉麵大熱, 好多拉麵店也進駐香港. 早前, 我又去了一間新開的拉麵店, 位於尖沙咀LCX的麵屋武藏虎洞.


我地點了幾款小食, 包括爆炸男爵沙律, 武藏煎餃子和唐辛子烏賊. 飲品點了虎洞特式果汁.

我見到這款沙律的名已經覺得好特別. 一上枱已經被沙律面上的蛋吸引住, 因為我好鍾意食.




食的時候先搞勻溏心蛋, 見到蛋黃流出就好想食. 疏菜新鮮, 當中將男爵薯仔切成絲再炸香, 而醬汁以柚子汁、梅子絲、紫蘇葉和和風醬混成, 有多重口感, 幾醒胃.




通常食拉麵也會叫一碟餃子, 煎得幾均勻. 即使唔點汁也夠味.





這個烏賊燒得幾惹味, 而且帶點微辣, 烏賊唔會太硬身.


果汁一般, 唔係太夠凍.





來這裡一定要試下沾汁麵. 它最特別之處是麵和湯分開上. 而食法是每次將一小撮麵夾起再沾上濃湯進食.

沾汁麵有三款湯底, 包括白虎, 赤虎和黑虎.

「白虎」是指極濃厚豚骨湯底, 利用豬骨、雞及海鮮長時間熬製而成.

「赤虎」是指在香濃豚骨湯中, 加入超過10種辣醬製成的辣油而成.

「黒虎」是指濃厚的豚骨湯, 加入燒香後的長蔥及玉蔥製成的黑蒜油, 味道香濃.

我自己鍾意濃湯底, 所以揀咗黑虎沾汁麵.




這個湯真係夠濃, 當中還有一些肉粒, 只是稍為覺得唔夠黑蒜的味道.





沾汁麵的麵幾彈牙, 麵身較粗, 有坑紋, 這樣沾湯時能夠掛到更多的湯.



叉燒幾大塊, 而且偏向瘦, 較少肥肉, 入口唔會覺得鞋, 這是啱我的口味.

麵的配料也好重要, 溏心蛋, 筍和蔥花對於整碗麵也有影響, 因我自己鍾意食配料.



沾汁麵的湯濃度偏高, 單飲是過咸. 若你食完麵後, 想飲湯, 可以叫職員同你添加清湯.
平日愛食拉麵的朋友, 也可以來這裡一試沾汁麵, 十一月就會正式推出, 大家密切留意.

留言


請按此登錄後留言。未成為會員? 立即註冊
    快捷鍵:←
    快捷鍵:→