[PARIS 辣媽媽] 教你智選消毒烘乾鍋 (蒸奶樽機)- Combi

Sydney BB 早左5星期出黎,好彩二胎已經有哂經驗,我早早已經做好功課,決定自己要買咩野,包括(蒸奶樽機)!


係上一胎經驗,用咗無烘乾功能嘅品牌,結果奶樽於消毒後,水蒸氣會令到奶樽好容易發出異味,其實即係暗示存在細菌。

所以今次,細佬出世之前,已經決定咗一定要使用有烘乾功能嘅奶樽消毒器,剛巧參加左 Femum Living 網站試用活動,有機會試用 “2 合1 智能消毒烘乾鍋”,緣份安排,部機亦係 Sydney 早產出世之前一日送到我屋企。

(文章尾段有短片介紹)

前前後後,呢部機我已經試用咗超過40日,當中超大容量以及45分鐘烘乾功能係我推介俾大家嘅原因。

呢部機嘅外型四四方方,初初望落去以為好大部,但用起上嚟其實一 D都唔阻地方。

對比其他品牌,部機嘅配件感覺上係比較多,但全部都有佢嘅功能,每一件配件都有佢存在嘅價值。


奶白色嘅就係部機嘅頂蓋,每部機亦附送奶樽夾一個,蒸烘後可以使用呢個夾嚟組裝,可以保持衛生以及避免燙手。


橙色嘅上層網格,可以放奶樽等等嘅配件,好似我咁,使用有排氣館嘅奶樽,配件就會特別多,全部都可以擺晒係呢一層。


初初用嘅時候,要留意白色盤嘅箭咀擺放方向,如果擺錯咗,有機會啟動唔到。


你會見到有兩個白色外殼,雙層設計,其實係減低蒸烘時燙手的機會


橙色嘅蓋旋風式設計, 可以令內部消毒或烘乾模式時 , 更加圴匀全面

呢部機呢其實有四個模式:

可以獨立使用蒸或烘乾,每次蒸大約 6分鐘,而烘乾功能每次可以選擇 45分鐘或10分鐘。

想簡單d,可以選擇預設組合模式,每次自動蒸 6分鐘,然後自動烘乾 45分鐘。

6分鐘快速蒸氣消毒已經可以殺滅 99.9% 有害細菌,如大腸桿菌、金黃葡萄菌和阪崎氏腸桿菌,可以有效預防 BB受病毒威脅!


部機嘅特大容量,其實係可以擺放九支奶樽,如果好似我使用排氣奶樽,每次最多可以放六支,對於無工人嘅我,呢個容量絕對係優勝之處。


呢部機嘅使用上面,都有小小嘅貼士同大家分享:
任何品牌嘅蒸奶樽器, 都會存在水垢嘅問題,

首先建議大家使用煲過嘅水, 或過濾水 ,千祈唔好用水喉水, 而且要定時用醋清潔水垢。


方法好簡單,關閉機器,以一比一嘅份量混合水同醋,銀色嘅位置浸大約15分鐘,然後倒左啲水,再以滾水清潔,水垢就會自然脫落,可以先進行 6分鐘消毒模式,先再消毒奶樽。

另外,就係加水時,千祈唔好多過 70ml, 否則 d水就會入咗部機器入面

對於呢部機嘅使用方法,其實我亦準備咗一個短片,大家有興趣可以 Click入去望吓~

**************


******************* Twinkle C *********************
www.twinklec.com
www.iamtwinklec.com
公關聯絡︰ leesiuj@gmail.com
讀者提問︰bloggertwinklec@gmail.com
| Facebook |
| Youtube |
| Instagram |

留言


請按此登錄後留言。未成為會員? 立即註冊
    快捷鍵:←
    快捷鍵:→