[LIFE] 超級推介- 狗狗的歡樂天地 ิ ◡ ิ 寵物茶餐廳

[LIFE] 超級推介-
狗狗新蒲點
ლ ิ ◡ ิ ლ . 寵物茶餐廳

.
.
.

.
今次唔係試邀文黎架，係我個人的超級推介！話說有一次行經荃灣的眾安街，見到二樓的『寵物茶餐廳』招牌，我就決定要帶小J 一探此地。
.
上到去就發現呢度係『狗狗的歡樂天地』，我必須要跟大家分享分亨！
狗狗cafe，香港都有好多，但有『波波池』嘅狗cafe就只會出現係『寵物茶餐廳』，除左狗仔開心，其實主人玩得仲開心～


.『寵物茶餐廳』除左歡迎狗仔，其實都歡迎各類寵物，大家係預約時，要先講低自己嘅寵物品種，以便cafe 紀錄。

進入波波池前，大家要先除鞋，同時都要確保自己嘅狗狗唔會係入面尿尿，以保持入面嘅衛生程度嘛！

『寵物茶餐廳』設有一個迷你佈景，近新年就貼滿了揮春，仲擺有醒獅同中國鼓，大家可以同自己心愛嘅狗狗一齊影返張賀年相。


最開心嘅，當然係入面嘅波波池，雖然地方唔大，但都夠我地3個人一齊入去！

入面除左有好多波波外，仲有膠滑梯，膠鞦韆同一架膠車仔，大家一家可以同狗仔係入面共渡超級愉快嘅時光。

隨時係主人開心過寵物，係睇我地玩得幾開心～


『寵物茶餐廳』其實空間唔算好大，其實只有16個座位，所以大家想去就最好預約，特別係星期六、日、公眾假期。否則『滿座』就入唔到喇！

由於『寵物茶餐廳』設有BOOK 場服務，如果大家BOOK 左場，D座位就可以隨意移動，人數都冇限，只計包場費用。

小J 對於呢架手推車，似乎冇咩興趣，係我玩得開心D... ...


.
其實我已經去過呢間『寵物茶餐廳』兩次喇，第一次CAFE 入面就有4隻狗仔，第二次因為係星期六，客人較多，CAFE 入面只得返1隻狗仔~
其實『寵物茶餐廳』大小狗隻都歡迎，不過不明文規定，主人負責返自己狗狗嘅大小二便啦，如果控制唔到，都可以買條『片片』($5)俾自己隻狗，咁就唔洗煩喇~



其實『寵物茶餐廳』收費係以『小時』計算，我就俾以下PACKAGE︰
$120 "2小時套餐"︰包 2個人 + 1隻狗

- 波波池任玩/ 任影相
- 一客狗仔小食
- 一杯人嘅飲品

* 但呢度並無提供人嘅野食，但大家可以隨便叫『外賣』，店主提供大量外賣紙，如果想食野，大家自由選擇叫邊間，然後自己付款，CAFE 無額外收費 *

其實我喜歡呢個制度，因為咁樣，CAFE 反而乾淨好多，店主只會整唔同嘅狗狗美食，每次主題都唔同，上次有三文魚美點，今次有中式糖果盤，超有心機！
如果多個人，或者多隻狗，就係加D錢咁，大家可以預約個時打去問清楚個價錢!

.『寵物茶餐廳』仲提供了大量狗仔用品及服飾，而且狗仔可以隨便 FITTING，試到啱身先買，店內仲有一D店主自製天然狗量， 價錢都非常實惠，大家可以按需要購買~
.

而我，就發現『寵物茶餐廳』設有狗仔美容，大家可以係店內等候，叫個外賣食個LUNCH，大約2小時，就可以同狗仔返屋企，價錢都平過小J 平時幫襯個間~~

.
我好喜歡店內的 Kitty，佢係主人搬屋唔養得，就俾.『寵物茶餐廳』收養，佢雖然係芝華華，但一d都唔嘈，又唔惡，好乖好純，又唔會爭野食，等其他狗食完，佢就食地下d碎碎，可憐嘅樣，反而就最得我歡心~
我仲會刻意留起一舊俾佢食添呀~

小J 當然呷唶啦!


為左新年，大家可以影D靚相，店主就SET 左個中式BACKDROP 俾大家，仲整左個中式狗仔糖果盒，我已經『試過』，佢係店主親自焗，入面有D雞肉絲，香噴噴，我見到都覺得好味道！

又健康又應節，店主真係好好心思，所以我一定要同大家『超級推介』！


呢個狗狗CAFE，其實提供了好多服務，我都LIST唔哂，以我所知，佢仲有提供狗仔生日蛋糕訂造服務，詳情

好啦，如果大家想知多少少，可以去佢地FACEBOOK 睇，提下大家，去之前最好預約啦!

.
『 寵 物 茶 餐 廳 』
.
地址: 荃灣眾安街93號1樓，電話: 26488999
營業時間: 星期一至日12-10pm

(係CO CO DUCK 同日本城中間位置，向天空望下，會見到好大個招牌架)

寵物茶餐廳︰以愛為服務宗旨，100%新鮮自家制作，天然健康的優質寵物食品。100%不含防腐劑、色素、調味料、味精及香料等化學物質。

.
.

[‧其他文章‧]
[團購] BIJOUNA KBE-1600 $729 >‧< 2013 眼線 review 香港篇 & 韓國篇

[‧Youtube‧]
Yaman EMS旋風鉑金滾輪（瘦面神器產品review）


******************* Twinkle C *********************
She.com Guest Writer
Facebook Page | Blogspot | Wordpress | TZtyle | BECE |
She.com | FnB | Elle | Weibo | Pixnet | Fan Piece
Youtube Channel: Siu J Lee | Beauty Life | Seeagainla Channel: Twinkle C
New* SNAP MAGAZINE
.E-mail: leesiuj@gmail.com | About Me Thank you for visiting, Twinkle C x Siu J. Full Time Blogger.
以上產品及資料, 部份由商家提供, 使用心得為個人意見的分享, 最終效果因人而異。