愛情思覺失調？ 精選

其實感情上，都有思覺失調。
患有思覺失調者，最常見是覺得自己已經不愛對方，將對方的缺點無限放大。

情緒上，會經常向對方發脾氣，對對方的容忍度降低，籍此經常性嘈交，更嚴重者，是對對方不理不睬。

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

你的另一半有沒有出現以上情況？並持續一段時間？

另一半出現以上行為，你都一定很苦惱，你會認為是自己做得未夠好，是自己的過失。
點解咁講？

因為另一半不斷潛移默化你：

「你真係覺得自己無錯？」
「點解你都仲係咁？你可唔可以改下呀？」
「你唔好管住晒得唔得呀？」

N咁多樣野，你諗唔明，從幾時開始你地之間有咁多問題？

或者，一齊咁多年，問題總會有既，積埋咁耐一次過爆，其實都好正常。

你一改再改，不斷的迎合，你都心力交瘁，因為你已變到似是自己，而又非自己，大概還有似你自己的地方，已剩外殼了。
啊！定係你已經換左佢喜愛既打扮，減到佢喜歡既身形，剪左個佢鐘意既髮型啦？

其實連外殼都一早變得唔似自己了。

但，在另一半眼中你仍是錯，總有野令你地行唔到落去，關係仍危在旦夕。

錯，其實錯響邊？

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

患有感情思覺失調者，你發現你們之間存在很大問題，從什麼時候開始，那些問題就像洪水一下子爆發？

你已經盡你能力去挽救，你很想去修復這道裂痕。
但真的力氣同心機都用盡了，你可以做的，就是盡量對對方不理不睬，因為最近對著另一半總是出口成文。

只要一開口，盡是抱怨和指責，那倒不如隻字不提，大家起碼可以相安無事。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

「你仲響Monic度呀？你去到邊呀？」佢尋晚成晚唔知去左邊，結果你響佢個群組信息見到呢句。

Lock screen，放下手機，看著仍然熟睡的他。

呢一刻，你終於明了。

你們中間的隔膜叫Monic，這個症狀不叫思覺失調，原來叫第三者。

你，沒有太驚訝吧？因為你一早就知了，只是不知道佢叫Monic。

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿


錯？

其實錯響邊？

或者錯在，你還想捉緊不再屬於你的人。

又或者錯在明明想離開，但仍扮努力修補。

一個留不了，一個走不了。
下集／ 【講其他】第三者
http://women.fanpiece.com/sisterliza/%E8%AC%9B%E5%85%B6%E4%BB%96-%E7%AC%AC%E4%B8%89%E8%80%85-c1230938.html

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

誰沒兩個致命舊愛侶？


如果有心事，不妨在Liza姐Facebook專頁放低
https://www.facebook.com/sisterliza/


＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿