【講前度】5號半的信物 精選 推薦

「今日我地去銅鑼灣Sogo間Tiffany咯？」阿恩說。
「點解呀？」當然我要扮下無知。

「我想去買隻戒指俾你」阿恩個樣好認真，好少見到阿恩那麼認真。


＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿


求婚呀？

我真的不太確定，因為阿恩無膝下跪，又沒有叫我嫁給他。但我有好確實認真的說過，可以什麼禮物都送，又可以什麼禮物都不送，只是戒指我唔會收。

因為在我心中戒指是有意思、有意義的信物，好似將一個諾言實物化的信物，不應該當做一個禮物，所以一早下了命令不可以送戒指的，所以阿恩說要買戒指的時候，我好似明白，又好似不明白，我不太肯定。


結果我還是懵懵懂懂被阿恩拖了去買。

去到Sogo Tiffany，我以為Tiffany的只是鍍銀的便宜貨，然後把價錢抬很高的港女牌子，但原來都有好多個零的鑽石買，我同阿恩都是第一次到Tiffany Sogo的專櫃，因為平時去Sogo都是去地庫個超級市場買零食。


嘩，好閃，好多個零，好眼花，但當然我個樣好淡定，然後搵緊邊隻戒指最平。
突然我見到那個年代很多人會戴的那個款－Tiffany 1837系列的 925純銀戒指。

夠簡單，重點是差不多全場最平，就佢啦！

「不如呢隻呀，幾好睇呀」

「係唔係真係鐘意家？」阿恩果然很了解我。

「係呀，但真係要買呀？」

「真係鐘意啦嘛？鐘意咪試下」


＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿


「小姐你手指都幾幼喎，我幫你度度先」

試完幾個碼終於試岩碼。

「小姐你手指係5號半碼」

「呢隻手指係5號半，可唔可以度埋呢隻手指咩碼」戒指是打算戴在中指，但阿恩又問了售貨員我無名指的碼。

「先生，小姐無名指係5號碼」

「好呀，唔該你」

「先生簽卡定俾cash？」

「簽卡呀唔該」
「先生多謝晒」

其實我一直都有留意Tiffany售貨員的鑽戒好大好閃，但我又無羨慕，好似我的介指更好，至少對我而言是這樣。

「拿，拎返去問你老豆claim返」阿恩把單據遞給我說。

我知道係一個gag，但今次個gag我真係唔明。

「當係禮金既錢，由依家開始儲定禮金啦要，唉，估唔到咁多個朋友之中我最快結婚」阿恩語重深長。


＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

是2011年的10月。

即是拍拖5週年的時候。

這介指拉開了我倆感情更進一步的序幕，同時這介指又會在我倆感情就完結的時候，卸下它的責任。
只可以說，是一個鋪排吧，是命中的一個安排。


其實，伏線一早已經埋下。


＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿


「等你畢業，我地就結婚，好唔好呀？」阿恩在我耳邊說。

待續。


＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿


誰沒兩個致命舊愛侶？


如果有心事，不妨在Liza姐Facebook專頁放低
https://www.facebook.com/sisterliza/