其實而家做toxin treatment 已經好普遍，toxin 除左可以去眉心紋、擡頭紋、魚尾紋之外，亦可以瘦面、瘦小腿、瘦肩。雖然市面上的toxin品牌好多，但其實比較多人認識只係 Botox, Xeomin 同 Dysport 呢3個牌子。但到底邊個牌子的toxin 係比較好？今天，我會從4個方面為大家分析三個品牌，希望幫到大家搵到最合適自己的toxin。
(1) 效果：抗皺效果好唔好，最關鍵就係toxin成份夠唔夠“純”。很多牌子的toxin除了肉毒桿菌素，仲含有複合蛋白。起初認為複合蛋白可以幫助指定細胞組織吸收肉毒桿菌素。但其實複合蛋白並無任何療效功能，如果toxin含有複合蛋白，效果仲會大打折扣！打得多反而會無效果。
另外一點好多人都會忽略，就係 toxin品質問題。因為好多toxin 其實係要冷藏存放，包括 Botox, Dysport 都係。如果溫度唔夠凍，咁藥效就會減退。你知啦，運輸呢樣嘢真係好難做到全程冷藏，所以對藥效都會有影響。建議最好選擇唔使冷藏儲存嘅toxin，咁藥效就穩定好多。
(2) 抗藥性：如果長期使用含複合蛋白的toxin唔單只會減低療效，仲會令人體產生抗體，產生抗藥性！即係話如果你有抗體，咁你再打多幾次、用幾多劑量都唔會有效。所以最好揀無複合蛋白的toxin！咁就算長期打都可以有效果，同埋對身體都安全好多~
以上呢3個牌子中，現時香港就只係得Xeomin係無複合蛋白成份，相對會身體安全好多。
(3) 安全性：千祈唔好貪平揀D不知名、無認證的品牌。針劑唔同一般護膚品，用落身體度必須要小心。一定要揀有美國FDA認證、香港衛生署註冊。以上3個牌子都有美國FDA認證、香港衛生署註冊，所以可以放心！
(4) 擴散性：以上3個牌子，以擴散性高至低排，會係 Dysport > Botox > Xeomin。擴散性較低，即係只在受療部位產生療效，唔會影響到其他部位或引致面部肌肉僵硬。
綜合以上各點，我自己就會選擇Xeomin，好簡單，因為無複合蛋白成份, 不用冷藏，擴散度亦低。
不過都係老土一句，療程效果因人而異，以上只係我的個人分享，有興趣的建議都係先問問專業醫生建議。
~~~~~~~~~~~~~~~~~~~~~~~~~~~~~~~
歡迎邀稿│合作試用│親子活動
請 inbox : pyngai1129@gmail.com
Facebook：https://bit.ly/2WDZtX5
IG: https://www.instagram.com/pyngai1129/
Beauty Exchange ｜ELLE ｜She.com ｜We Share
Qooza ｜Ulifestyle｜ESD｜Mamibuy｜MyBB.com
Blogspot｜FANPIECE｜Girlab｜Cosmopolitan
請按此登錄後留言。未成為會員? 立即註冊