當你遇到做保險的朋友‥‥‥ 精選 推薦

自從投身社會之後，
開始發現身邊有朋友是當保險的。
雖然我對於保險這回事沒有太大負面評價，
甚至覺得這是有必要要買，
但就對於有些當保險的朋友經常咄咄逼人，
就會有點反感。

最近收到一位朋友的電話，
這位朋友自從中學畢業至今都沒有聯絡，
我們的關係大致只是有擁有對方Facebook和電話而已，偶爾在Facebook看見他的近況，
也大概明白他是做保險的。

有一天，發現有個未接來電，
原來是他。
雖然心底裡知道他找我，
十居其九都是「那個原因」，
但我仍然回他電話，
結果他開門見山就說：

「阻你少少時間，其實唔知你有冇睇我Facebook，
我而家係做緊保險，都做得幾好嘅！
咁我公司有啲優惠嘅儲蓄保險，如果你有興趣嘅話，
我哋可以約出嚟傾。」

聽完之後，我禮貌地婉拒了，就收線了。
雖然很多朋友都覺得這樣的朋友，
十年不找一次，
一找就是Sell保險，
通常都會感到很生氣。
但我卻一點嬲怒都沒有，
我明白到，
正因為我跟他交情不深，
所以在他立場上，
就算失去了我這位朋友都不會太心痛。
更何況，他的工作性質的確需要主動出擊，
所以他主動找我，
我想也是工作需要吧！
又有一次，
有另外一位中學同學突然在Whatsapp 「Hi」我，
他寒暄了我一陣子，然後才入正題，問我：
「其實你有冇興趣買保險？」
我聽完，感到有點意外，
因為以我認識的他
應該不會從事保險業的。
「咦，你幾時做咗保險？」我問他。
「唔係我呀，係我女朋友呀！」
「哦！因為我買咗喇，所以唔需要喇！」我說。
「咦，咁你有冇朋友而要買保險呀？」
「冇呀！如果有就話你畀啦！」
「好呀！唔該唔該！」這個情況，我都沒有生氣。
因為我覺得他只是愛他的女朋友，
所以才幫她的。

還有最後一個情況，
有位大學同學三番四次約我出去談保險，
其實也婉拒他好幾次。
有一次，他又打電話來，
並說：
「我知道你唔會幫我買保險，
但你可唔可以畀個機會我Present一次，
我初出茅廬，都想學習吓向客人Present一下‥‥‥」

作為朋友，聽到他這樣說，
如果連這樣都不肯，
好像有點不近人情，結果答應了他。

臨見面之前，
他叮囑我帶同已經買了的保單給他看。
見面時，
他不斷翻閱我的保單，
然後說他的公司有多好，
你買的那一份保單就遜色得多諸而此類‥‥‥
接着他又直指我的保額不足，
如果要買的話，
可以跟他買等等。

臨走時，我只是跟他說：
「好啦！如果我有需要會搵你啦！」１
誰知，他在我離開搭巴士的途中致電我，
並說：「如果你真係要買，記得搵我！你唔好搵你個保險經紀買啦，同我買啦，我同佢是但一個人唔做，都起碼仲有一個人幫你手跟下！」我開始覺得跟他見面是一個很大的伏，
「總之我有需要就搵你啦！」我說。

翌日，他又打電話來，並說：
「喂！我準備咗一份新嘅保單諗住畀你睇，
你幾時可以出一出嚟傾下？」
我開始着火，然後說：
「暫時無需要啦！總之‥‥‥總之‥‥‥我有需要再搵你啦，OK？」

第三日，他又打電話來，
並說：「喂！你最近咪學緊彈Ukulele，我都學緊呀，我鑽研咗一種新彈法，不如約出嚟大家Jam下！」
我：「‥‥‥‥‥‥‥」

我開始明白我着火的原因，窮追猛打已經令人討厭，
但如果他重視一份保單，多於一位朋友的感受，
我想我跟他，稱不上是朋友吧！