選擇補習唔係咁容易

星月九月升中四...好快就面對4個核心科目加3個選修科目...
理科路上...我倆只能默默支持...
原先係打算文理...直至學期考試後...星月最後決定選擇全理...
班主任講到明係好辛苦...需要付出好多時間...
我倆同星月分折過...商量過...
星月覺得自己做得到...就此下定決心了...
不過...最令我倆擔心其實係核心科目...
核心科目一死...選修科目成績幾好一樣係BYE BYE...我倆知道星月既中英文一向係較為弱...需要落多少少功夫...
我倆決定揾補習幫手...期望惡補一下...
第一個疑問一定係私人補習同補習社補習...
要補底一定係一對一私人補習...不過...
我倆覺得星月又未去到要補底...只係欠缺考試技巧...
坊間有好多針對DSE既補習社...主要係教授不同既答題技巧...提供歷屆試題操練..
一間又一間...真係花多眼亂...
選擇大型同口啤好既補習社好似係必然既事...可惜...
補習天王同補習天后一樣唔易選擇...個個話名校出身...公開試奪星攞A...
老實說...初初睇真係會趨之若騖想試下...
正正因為太出名...唔係你話想補就補...
幾間分校黎計...一間分校只有一班LIVE...其餘就係視像班...
選擇LIVE班...需要競爭睇下有冇機會見到真人...
第一堂要早去排隊...之後既課堂就要上網拎籌...
唔好彩滿座...就需要去第二個課室睇LIVE...
如果選擇視像班...遇上問題...係唔會有機會發問...
名師真係只能遠觀了...
幸好...有朋友介紹名氣唔大但有 HEART 既補習老師...
只有 LIVE 班...不設視像班...
補習一定係人夾人...要補下睇下自己明唔明...星月決定暑期補幾堂試一試...如果岩就繼續補...
唔岩就再報第二個...
中文科選擇左補習名師 LIVE班...一班係要用十個班房...
英文科選擇左一個姐姐介紹既補習小薯...一班二十人...
選擇補習既過程中...星月同我講唔想去某一間分校...唔想補某一個名師...
因為...班中好幾位同學去某一間分校...唔想一齊補...怕會分心...
因為...星月同同學口中得之某一個名師太多題外話...經常離題...
眼前星雨有點點成熟...有為自己打算過...
我心中有少少安慰...不過...另一方面...
我係好唔捨得星月長大...
相片攝於2004年6月21日...
隨住時間過去...星月已經不知不覺成長...
由手抱BB到識行識走...
相片攝於2009年11月22日...

到幼稚園畢業...小學畢業...到準備開始高中課程...
我由小學時期既伴讀書僮過渡到中學時期既默默陪伴...
相片攝於2017年4月16日...

由事事叫媽媽到事事想自己攪掂...
由事事同媽媽講到事事講私隱...一點一滴改變就係星月成長証據...
做人亞媽就係咁矛盾...口話想個女長大...心就怕個女有一天會離開自己...
相片攝於2019年4月20日...

FACEBOOK 專頁 : https://www.facebook.com/mrmoon.renelee
INSTAGRAM ~ MRMOONMOON
聯絡我 ~ bbg1668@yahoo.com.hk