自己坐月自己準備 ~ 炒米茶

生大小姐個陣我係自己坐月...老公放假就幫我手咁...
生二小姐一樣唔例外...自己坐月就要有所準備...
第一胎個陣後生...真係可以話唔會去點研究...
家下年紀真係大啦...開始識得驚...好想可以好好咁坐月...
炒米茶正氣...係坐月補身恩物...
生BB個陣...充失大量血液...產後會好容易口渴...經加上餵母乳需要更多水分幫忙上奶...清水偏涼...飲用可以會出現胃脹...尿頻...便袐...腳水腫既情況...炒米茶正氣...健脾...好適合產婦飲用...代茶可加強新陳代謝...紓緩身體不適...而產婦大多會出現胃寒既情況...時常口淡淡...飲清水會增加口淡感覺...飲用代茶可以改善情況...一般會飲用代茶到滿月為止...
三十四週準備左走佬袋...已經七七八八...係爭銀包同炒米茶未放入袋...
銀包就話會跟身走...只係要走佬個下記得帶埋出門口...
炒米茶就要動手準備...三十五週一日開工...
隨住坐月不同階段...炒米茶會有不同配搭...
我唔會攪得太多了...
只會準備炒米同炒黑豆...
黑豆就要等惡靈清哂後加入炒米茶...

頭十日可以加入桂圓杞子...桂圓杞子炒米茶...
其後可以加入紅棗...南棗...各式各樣藥材...多款配搭一樣得...不過...我就簡簡單單算了...
要炒米就要有米...綜合朋友仔意見...
我去左點點綠買...比較安全同有保障...
有機三色米...


有機黑豆...

三色米有黑米...紅米同糙米...
黑色入腎...黑米額外有補腎功效...
紅色養心...紅米額外有補血功效...
糙米補脾...健脾效果佳...

炒米唔需要經過洗的程序...可以直接放入白獲炒至呈微微金黃色同散發出米香就已經得...因為三色米本身已經係深色...好難睇到顏色變化...炒個陣加少少普通白米幫幫手...咁就可以睇得清楚少少...唔好炒檂...燶左會好熱氣架...

待炒米攤涼後可以按份量分落茶包...







茶包放入密實袋保存...
每次飲用就直接拎出黎泡水...500ML泡二十分鐘就飲得...
茶包可以回沖兩至三次...

炒好米就到炒黑豆啦...黑豆營養價值高...蛋白質含量高達36%-40%...不但能消水腫...防止腰酸與保護筋骨...黑豆中的蛋白質...維生素B6和維生素E...有促進上奶的功用...

黑豆一樣唔需要清洗就直接放白鑊炒...

炒至豆皮全部裂開就得...裂開左會見到綠色豆豆...

炒好就待黑豆攤涼...

放入玻璃瓶保存...每次飲用就直接拎出黎泡水...

用來入炒米既茶包可以係 AEON LIVING PLAZA 買到...
買一包夠哂...

炒米茶炒好...可以出炒米茶文...
加入炒米茶包...走佬袋就攪掂了...
下一篇就會分享走佬袋啦...

FACEBOOK 專頁 : https://www.facebook.com/mrmoon.renelee

聯絡我 ~ bbg1668@yahoo.com.hk

月兒部落分社 :

BEAUTY LIFE

BECB

THEXXXXX

BLOGSPOT

SHE
UBEAUTY

QOOZA

QOOZA BEAUTY

SINA

ELLE

COSMO

MYAGE

WESHARE

FANPIECE

SEEWIDE

MYBB

PIXNET

STYLE
INSTAGRAM ~ MRMOONMOON

純粹個人意見...請大家多多指教呢...