期待十一人的 FAMILY TRIP

星雨來了...娘家既 FAMILY TRIP 終於可以實現了...
一生完已經商量...開始為十劃劃第一撇...
一行十一人既旅程最終決定復活節起行...
原本打算聖誕節去 北海道住酒店睇住雪浸温泉 ...不過...
有人已經計劃要去台灣過年...唯有...
改期啦...
農曆新年...爸爸媽媽一定要留港拜年...唯有...
再延期啦...
個個得閒既復活節...日子終於有定案...
決定左日子就到地點...
說好的北海道...我們還是想要雪的襯托...還是想要凍凍咁浸温泉...
只有...NEXT TIME 啦...咁就可以再一次FAMILY TRIP...
想話改期去東京...點知...有少少驚德國麻疹疫情未受控...只有...放棄...
最後決定去關西...
我地決定小朋友放假個日就出發...四月十九日玩到四月二十六日...
先先去京都 STAY 兩晚...老實說...
我地人太多...揾酒店真係有少少難度...
睇左好多間...一係就地點唔就腳...一係就房唔夠...
睇左個幾兩個月...終於揾到岩心水...
拉昂祇園畷旅館只係需要3分鐘就可以到祇園四條站...勁方便...

去番大阪...選擇就多番少少啦...
訂左大阪本町頂級微笑酒店...


FAMILY TRIP 行程未完全肯定...
只有落實左當中兩日...一定去既地方...
京都留兩晚...因為預留一日去嵐山...
2017年去過的嵐山...未有足夠時間慢慢欣賞...
FAMILY TRIP 會再去一次...不過...
一樣係坐小火車...放棄坐保津川遊船...因為...
一來怕暈船浪...二來娘家人未坐過小火車...

到大阪就預留左一日去奈良...再上一次若草山...
娘家人見個景好靚想行上去...咁就再去一次啦...
來一個挑戰...揹住星雨上山...

還有兩個月就出發啦...真係好期待呀...
希望旅程順順利利...一家人玩得開心啦...

FACEBOOK 專頁 : https://www.facebook.com/mrmoon.renelee
INSTAGRAM ~ MRMOONMOON

聯絡我 ~ bbg1668@yahoo.com.hk

留言


請按此登錄後留言。未成為會員? 立即註冊
    快捷鍵:←
    快捷鍵:→