星雨加固之路小記

越來越多媽媽選擇走BLW...不過...
我就選擇左TW...
一來我怕星雨哽親會嚇餐死...
二來可以知道星雨食幾多...
從食物質感開始慢慢轉變...循序漸進幫星雨加固...
由口感幼滑既糊開始...因應星雨吞食既進度再調適...
衛生署6-24個月嬰幼兒健康飲食起步篇就可以幫到手...
餐具求求其買左...MINIMOTO 碗仔同TOMMEE TIPPEE矽膠軟頭餵食匙...

星雨食既係HIPP有機嬰兒純米糊...4個月以上適合...

星雨五個月一星期大食第一口...
有機純米糊係好幼細粉狀...

用上座熱少少既母乳開調...

見到個碗仔...星雨眼甘甘咁望到實...
張開咀仔迎接第一口米糊...第一次只係食左三匙...

為左練習吞嚥動作...
一日食一餐...星雨足足食左兩星期米糊...
五個月三星期大就可以試食不同食物...
第一樣係菠菜蓉...
其後就南瓜...蕃薯...薯仔...節瓜...菜心...魚...青豆...豆腐...紅蘿蔔...

水果我就選擇左蘋果...跟隨一家人習慣齊齊食飯後果...
我一邊食一邊拎住紅蘋果直接刮蓉餵...
到七個月大就嘗試左木瓜同香蕉...
有時會俾星雨啜下橙汁...

每次試食物由一小匙開始...慢慢增加份量...同一款食物要食最少三日...睇下有冇食物敏感...
敏感徵狀喺進食後數小時或數天會出現...
牛奶...乳製品...蛋...花生...魚...甲殼類海產...果仁...小麥...豆類...燕窩係較容易引起過敏反應的食物...
六個月兩星期大...我俾星雨嘗試左蛋黃...
第一日食左兩啖唔見有問題...
第二日就加左四分一蛋黃溝米糊食...食完大約兩個鐘就嘔...嘔左幾次...
我就帶左星雨去睇醫生...醫生話係食左不潔食物...
星雨開始發燒...醫生話嘔清應該就唔怕...
不過...食物可能已經入腸有機會痾...
睇完醫生番屋企就開始痾...
食左藥...就停左痾嘔...
隨後一星期...可能嘔過痾過辛苦...星雨唔肯食米楜...只肯飲奶...
唔好講星雨怕左...我一樣怕左...唔敢俾星雨食蛋...等一歲再試過啦...
希望星雨肯食番固體...我轉左煲軟綿綿粥試試...由食幾啖到食小半碗...
七個月大...我就曾經試過既食材加入粥...
通常一份蔬菜一份魚...食得算唔錯...
一日一餐...一餐有大半碗...
七個月兩星期大...星雨染上水豆...
唔願多食...只願飲奶...
特別係發高燒既時候...完全唔肯食...只肯飲幾啖奶...
足足兩星期一日一餐...食得四分一碗...
星雨明顯消瘦左...失去左肥嘟嘟身影...
八個月大開始肯食番好少少...慢慢有半碗至大半碗...
見到星雨肯食...我就幫星雨加多一餐...一日兩餐...
原先食開一餐食大半碗...
新加一餐我唔敢俾太多...三分一碗開始...隨後慢慢添加到大半碗...
星雨開始食BB餅仔...

九個月大...星雨要去健康院睇發展...
9.04KG...生長線由頂線97跌左一條...
姑娘隨後知道星雨一日兩餐固...每餐大半碗至一碗...有菜有肉有水果...
跌磅只係生病食唔少左影響...唔需要緊張...
姑娘就話星雨可以加多一餐固...
食得是福...我會繼續讓星雨愛上食...

FACEBOOK 專頁 : https://www.facebook.com/mrmoon.renelee
INSTAGRAM ~ MRMOONMOON

聯絡我 ~ bbg1668@yahoo.com.hk

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→