放電好去處 ~ 青衣西南體育館兒童遊戲室

星雨已經係一個十六個月大既人仔...
人仔已經行得好隱陣...好少會跌低...
就算跌低一樣會自己起身再行過...
周圍行...周圍搗蛋...
蝸居實在太少...行來行去...
星雨表示有點悶...
不過...天氣真係太太太熱...
公園玩唔夠五分鐘...星雨就一身汗...
幸好...青衣區有一個免費室內兒童遊戲室...
位於青衣涌美路70號青衣西南體育館3樓...
面積有3767呎...空間夠哂大...
遊戲室只係供4-9歲小朋友進入...4歲以下小朋友一定要有大人陪同...
一個大人跟一個小朋友...
大人同小朋友一定要除鞋着襪入場...
唔除鞋唔着襪唔准入...唔除鞋唔着襪唔准入...唔除鞋唔着襪唔准入...


康文署轄下既兒童遊戲室係採用先到先得方式...每節45分鐘...
我同星雨係會一早到玩9點場...

人可能唔多...一到就已經可以喺遊戲室門口排隊...
遊戲室外面有地方泊BB車...唔需要怕唔知邊度放BB車...

按次序號碼等候...一夠鐘就可以入場了...
一入場就有位置擺放隨身物件...不過...貴重物品就一定要跟身...
唔見左就閣下自理...唔會有專人企定定幫你睇住架...

而除鞋位置下面就係鞋架...一格一格俾人放鞋...

場內有一個家庭洗手間...好體貼...

踏入遊戲室一睇就知係海洋主題...
圍繞身邊全部係海洋生物裝飾同圖案...
色彩繽紛...絶對可以吸引小朋友...

遊戲室採用落地大玻璃...現場係十分光猛...

眼見五個位置...
木船造型設計有兩層既滑梯攀爬組合...

未識爬上爬落...暫時未岩星雨玩...

大海星...星雨未識得上去...

軟墊堆砌出燈塔...星雨未識得行上行落...經常跌倒...

我估計係波浪同氣泡...

星雨就經常爬上爬落...

星雨最愛小遊戲區...大部份時間會去玩...

海馬仔...

搖搖馬...

青衣西南體育館兒童遊戲室適合 BB 玩...
場地大可以周圍爬下行下...一地軟墊唔怕跌低會痛...
不過...小朋友唔舒服就唔好帶去遊戲室玩啦...
一來讓小朋友多少少休息先會快少少病癒...
二來避免傳染俾其他小朋友...
小朋友一病就好辛苦...扭計扭到七彩...
撫心問一下自己...想唔想自己個小朋友病?...
既然你唔想自己個小朋友病...點解又要其他小朋友陪病呢?
只要人人肯將心比己...相信就唔需要玩得咁擔驚受怕...

FACEBOOK 專頁 : https://www.facebook.com/mrmoon.renelee
INSTAGRAM ~ MRMOONMOON

聯絡我 ~ bbg1668@yahoo.com.hk

留言


請按此登錄後留言。未成為會員? 立即註冊
    快捷鍵:←
    快捷鍵:→