《我話後悔中學冇拍過拖,佢居然著住校服同我飲酒。》

毛言地 於 16/07/2017 發表 收藏文章
  好多人話中學冇著過校服同人拍拖返學放學,依個人生就唔算完滿,而我就係擁有不完滿人生嘅一份子。雖然以前都叫同另一間學校嘅學生妹拍過下拖嘅,但由於我地間學校唔同區,平時都只係用Msn傾計多,出過下幾次街,上過佢一次屋企咁大把(唔好諗咁多,佢成家都喺度)。
 
 
  喺我由學生變成社會奴隸之後我總算搵到一件值得自己慶幸嘅事:有一個關係穩定嘅女朋友。早排同佢慶祝完兩週年紀念,大家平時可能有鬧下交咁,但都唔會點影響我地嘅關係,人生如此喺依家嘅香港地我都冇咩好再抱怨——直到我女朋友問起我依個問題,我先同佢呻下中學嗰空白嘅五年。「想唔想同學生妹拍返一日拖咁啊?」佢個笑容帶點邪惡,而我深明女人只可以氹嘅道理,當然回返佢一句「有你乜都夠哂啦傻豬」,唔通話想啊咁自尋死路咩。
 
 
  點知佢第二日真係摷返件以前藍色旗袍嘅校服出嚟著住影相比我睇,仲話下星期去飲嘢就著住佢嚟陪我。我望住佢張校服相,除咗胸前變得更加偉大令件衫有種迫迫地嘅感覺,其它部位一樣Keep得咁好。去到約咗朋友飲嘢嗰晚,我拖住著住校服嘅女朋友行緊過去酒吧,雖然唔多似學生時代拍拖嘅情境,邊個會學生哥拍拖節目係去酒吧劈先得架,不過見自己女朋友為自己「完夢」而做嘅嘢個心都會有種暗自歡喜嘅感覺。行到去酒吧門口,好彩平時幫襯得多所以老闆認得我地,如果唔係我拖住個學生門都唔知點樣入到去飲酒。
 
 
  「嘩,今晚玩制服Play咩喂?」有個老死一見到我女朋友就講依句嘢出嚟,之後其他人都跟住一齊起哄,直到我將件事由頭到尾咁講一次,大家先轉變成羨慕嘅目光:都係嗰句啦,好女友,可遇不可求。好彩老闆比咗張私隱度較高嘅枱我地,唔係單憑我女朋友去咗兩次廁所都比幾個麻甩佬望到實一實嘅情況嚟睇,我今晚都唔知點樣帶佢全身而退。飲到點幾鐘,大家準備埋單,我同佢坐的士走人。返到屋企,我鞋都未除,佢已經飛撲埋嚟同我嚟一個法式濕吻。「你知唔知做人最可惜嘅唔係冇同學生妹拍拖,而係冇啪過學生妹?」飲多兩杯就語無論次嘅佢好自然咁講咗依句出嚟,而我吞一吞口水之後都好識做咁抱佢上床,等佢今晚為我彌補依個遺憾⋯⋯
 
 
  第二朝起身,佢已經坐埋一邊用緊我部電腦。我望一望佢喺度做咩,原來係上網買緊衫,只係啲衫唔多似平時會著出街嘅款。「乜你玩Cosplay嘅咩?」我望住佢購物車堆衫問。「學生妹你就試過啦,咁你又同空姐護士拍過拖未?」佢個笑容同上次一樣,不過我終於睇清楚:唔係邪惡,係饑渴。「未⋯⋯不過如果有得試下都唔錯。」今次到我飛撲埋去。
 
 
  好女友,可遇不可求。
 
一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材

標籤: 毛言地  學生  校服  女朋友  

留言


請按此登錄後留言。未成為會員? 立即註冊
    快捷鍵:←
    快捷鍵:→