「上次我Post咗張相之嘛，條友就係咁Inbox我話想做朋友喎，你話啲男人幾Cheap。」
啊X小姐喺同學聚會入面係咁講佢啲比仔煩嘅經歷，開口埋口都踩緊男人，完全冇理過在坐嘅我同另外兩個男仔感受。如果唔係大家讀埋同一間學校，咁啱第一年第一份Project個Miss編咗我同佢一組，我諗我同佢都唔會有交流。因為對佢嚟講每個想識佢嘅男人都係想同佢上床，個個都只係隻狗公。係嘅，佢係幾靚女，又識打扮，初初見到佢真係幾吸引，不過一相處落嗰種性格真係頂佢唔順，如果唔係依個聚會，我諗我都唔會再同佢同檯食飯。
其實佢話啲男人Cheap又錯唔哂嘅，得閒你喺Facebook搵下啲成日自拍嘅靚女，你會見到好多男人係咁問「可唔可以做朋友」，「你真係好靚，識到你就好」之類狗味濃嘅說話，身為男人嘅我真係覺得羞家：你唔係以為咁樣講一句人地就Add你做朋友然後你可以上人屋企下話？搞Cheap自己又要一無所獲，仲要比其他人（甚至Post相條女）隔住個Mon指住你嚟笑，攞嚟柒。
不過喺笑依班男人嘅同時，啲女成日放啲著住鬆身衫條腰彎到勁低露哂半球、背心兩條帶跌哂膊件衫就嚟甩、屋企著住黑絲褸屌裙瞓喺床冇樣齋影下半身等等嘅相上嚟，然後又話咩自己一個好悶，今晚有冇人得閒陪我之類，吸到一班咸濕伯父留言係正常不過嘅事。如果你話條女係鐘意收兵或者等人讚嘅我就明佢用意啫，但又要自己係咁放J圖又要話男人淨係識J？依種邏輯我諗極都唔明。
聚會終於散場，但我好唔好彩咁同X小姐同路，要繼續聽佢喺度抱怨男人。冇錯，喺一個男人面前繼續數男人嘅衰嘢，不過今次佢鬧嘅唔係嗰啲下半身充血嘅狗公。
「有時我都唔知話唔話你地男人蠢好。有次落酒吧識到個靚仔，大家傾咗陣都好開心，之後我已經有幾次暗示佢有冇興趣同我轉地方架啦，佢居然唔明我嘅暗示，最後仲自己走咗去，真係激死人。」
嗰下我好想反佢白眼。上網你引到班唔啱心水嘅人留言撩你要鬧，落酒吧啱你心水但冇好似班狗公咁搭你糖又要鬧，無論個男人佢覺得值幾多分都好，只要有一個行為唔合佢心意佢就要鬧一餐先安樂。
痴孖筋。
行到去街口，我話要過對面搵朋友同佢分開行，然後入咗間便利店幾分鐘確保佢走咗先出返嚟：我唔想再聽佢講咁多廢話。耳根清靜，我一個人一邊行一邊碌Facebook，發現X小姐Post咗張喺街自拍嘅相，心口位拉鍊明題拉低咗，然後再配一句「夜媽媽一個女仔，真係想有人送我返屋企。」
我決定刪埋佢好友，唔係我怕會忍唔住留句「收嗲啦八婆」比佢。
FACEBOOK：https://www.facebook.com/MOYINDAY
TUMBLR：http://moyinday.tumblr.com/Fanpiece：http://women.fanpiece.com/moyinday/
Medium：https://medium.com/@moyinday
啊X小姐喺同學聚會入面係咁講佢啲比仔煩嘅經歷，開口埋口都踩緊男人，完全冇理過在坐嘅我同另外兩個男仔感受。如果唔係大家讀埋同一間學校，咁啱第一年第一份Project個Miss編咗我同佢一組，我諗我同佢都唔會有交流。因為對佢嚟講每個想識佢嘅男人都係想同佢上床，個個都只係隻狗公。係嘅，佢係幾靚女，又識打扮，初初見到佢真係幾吸引，不過一相處落嗰種性格真係頂佢唔順，如果唔係依個聚會，我諗我都唔會再同佢同檯食飯。
其實佢話啲男人Cheap又錯唔哂嘅，得閒你喺Facebook搵下啲成日自拍嘅靚女，你會見到好多男人係咁問「可唔可以做朋友」，「你真係好靚，識到你就好」之類狗味濃嘅說話，身為男人嘅我真係覺得羞家：你唔係以為咁樣講一句人地就Add你做朋友然後你可以上人屋企下話？搞Cheap自己又要一無所獲，仲要比其他人（甚至Post相條女）隔住個Mon指住你嚟笑，攞嚟柒。
不過喺笑依班男人嘅同時，啲女成日放啲著住鬆身衫條腰彎到勁低露哂半球、背心兩條帶跌哂膊件衫就嚟甩、屋企著住黑絲褸屌裙瞓喺床冇樣齋影下半身等等嘅相上嚟，然後又話咩自己一個好悶，今晚有冇人得閒陪我之類，吸到一班咸濕伯父留言係正常不過嘅事。如果你話條女係鐘意收兵或者等人讚嘅我就明佢用意啫，但又要自己係咁放J圖又要話男人淨係識J？依種邏輯我諗極都唔明。
聚會終於散場，但我好唔好彩咁同X小姐同路，要繼續聽佢喺度抱怨男人。冇錯，喺一個男人面前繼續數男人嘅衰嘢，不過今次佢鬧嘅唔係嗰啲下半身充血嘅狗公。
「有時我都唔知話唔話你地男人蠢好。有次落酒吧識到個靚仔，大家傾咗陣都好開心，之後我已經有幾次暗示佢有冇興趣同我轉地方架啦，佢居然唔明我嘅暗示，最後仲自己走咗去，真係激死人。」
嗰下我好想反佢白眼。上網你引到班唔啱心水嘅人留言撩你要鬧，落酒吧啱你心水但冇好似班狗公咁搭你糖又要鬧，無論個男人佢覺得值幾多分都好，只要有一個行為唔合佢心意佢就要鬧一餐先安樂。
痴孖筋。
行到去街口，我話要過對面搵朋友同佢分開行，然後入咗間便利店幾分鐘確保佢走咗先出返嚟：我唔想再聽佢講咁多廢話。耳根清靜，我一個人一邊行一邊碌Facebook，發現X小姐Post咗張喺街自拍嘅相，心口位拉鍊明題拉低咗，然後再配一句「夜媽媽一個女仔，真係想有人送我返屋企。」
我決定刪埋佢好友，唔係我怕會忍唔住留句「收嗲啦八婆」比佢。
FACEBOOK：https://www.facebook.com/MOYINDAY
TUMBLR：http://moyinday.tumblr.com/Fanpiece：http://women.fanpiece.com/moyinday/
Medium：https://medium.com/@moyinday
請按此登錄後留言。未成為會員? 立即註冊