同自己鍾意嘅人一齊，放工一齊食個飯，有時可能睇多場戲；放假就行下商場，再唔係入迪士尼轉返個圈。曾幾何時，你覺得咁樣嘅愛情生活好悶，拍拖拍到例行公事咁樣：接佢出去行街食飯睇戲再送佢返屋企，依種並唔係你想像中甜蜜幸福嘅生活。
直到有一日你發現，原來平凡係咁難能可貴。
可能你連續一個星期OT，夜晚九點幾仲喺公司搏殺；又或者你食緊個譚仔，但仲要忙住覆客人Email同老闆WhatsApp。突然間你心血來潮，搵返上年同前度食飯嗰陣嘅一張合照，雖然食嘅唔係咩貴嘢，環境唔好係靚，但可以舒舒服服咁同佢食一個二人晚餐，你心入面突然有一種懷念嘅感覺。雖然你地拍拖嘅節目係悶啲小啲，但可以同自己鍾意嘅人自由自在咁過一日，喺唔需要擔心任何嘢之下渡過二人時光，其實都係另一種幸福。
愛情唔需要太花巧，唔需要每分每秒都製造到驚喜比對方——當然依個係提升情趣嘅一種方法，但耐唔耐有一次已經好夠。通常維繫得耐嘅關係都係平凡不過，就好似喺街到見到一對老夫婦拖住手慢慢行，毫無驚喜，但甜蜜滿分。比起驚喜帶嚟嘅刺激，日常生活微細嘅關心同動作更加比到對方安全感：例如佢隨手拎起件衫就知你啱唔啱著，而你一搵就搵得出佢採開嗰隻唇膏嘅顏色。依啲嘢唔值得放上IG同FB放閃，但要保持一段關係就一定唔可以少。
如果你喺平凡當中搵到值得你珍惜嘅嘢，依一刻嘅你又對愛情了解多咗啲。可惜嘅係你曾經擁有住依個幸福但唔識珍惜，而家失去咗先明白依個道理，然後後悔莫及。星爺嘅對白，真係幾時都啱用。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
直到有一日你發現，原來平凡係咁難能可貴。
可能你連續一個星期OT，夜晚九點幾仲喺公司搏殺；又或者你食緊個譚仔，但仲要忙住覆客人Email同老闆WhatsApp。突然間你心血來潮，搵返上年同前度食飯嗰陣嘅一張合照，雖然食嘅唔係咩貴嘢，環境唔好係靚，但可以舒舒服服咁同佢食一個二人晚餐，你心入面突然有一種懷念嘅感覺。雖然你地拍拖嘅節目係悶啲小啲，但可以同自己鍾意嘅人自由自在咁過一日，喺唔需要擔心任何嘢之下渡過二人時光，其實都係另一種幸福。
愛情唔需要太花巧，唔需要每分每秒都製造到驚喜比對方——當然依個係提升情趣嘅一種方法，但耐唔耐有一次已經好夠。通常維繫得耐嘅關係都係平凡不過，就好似喺街到見到一對老夫婦拖住手慢慢行，毫無驚喜，但甜蜜滿分。比起驚喜帶嚟嘅刺激，日常生活微細嘅關心同動作更加比到對方安全感：例如佢隨手拎起件衫就知你啱唔啱著，而你一搵就搵得出佢採開嗰隻唇膏嘅顏色。依啲嘢唔值得放上IG同FB放閃，但要保持一段關係就一定唔可以少。
如果你喺平凡當中搵到值得你珍惜嘅嘢，依一刻嘅你又對愛情了解多咗啲。可惜嘅係你曾經擁有住依個幸福但唔識珍惜，而家失去咗先明白依個道理，然後後悔莫及。星爺嘅對白，真係幾時都啱用。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
請按此登錄後留言。未成為會員? 立即註冊