《打風喎,不如返我屋企吖》

毛言地 於 18/09/2018 發表 收藏文章
  打風當然要留喺屋企,不過前提係要有節目。
 
 
  話說早排出去飲嘢識咗幾個對面檯嘅女仔,而其中一個喺交換冧把之後都有Keep住聯絡,仲約咗星期六出嚟玩。冇咗戰鬥格同夜場裝嘅佢其實都幾鄰家女孩Feel,唯一冇變就係佢用兩隻手都未必揸得哂嘅豐滿上圍,加件吊帶衫真係定力少啲都唔得掂。
 
 
  睇完戲食完飯又飲咗幾杯,時間雖然唔算得上係夜,不過個風愈嚟愈近,天文台都話就嚟掛八號。穩陣起見我諗住話同佢去搭車下次再約佢飲嘢啦,點知佢話佢住長洲,尾班船因為個風嘅關係已經趕唔切。有家歸不得嘅少女真係好可憐,所以我決定叫佢去我屋企過一晚夜,聽日睇下天氣點再佢打算。
 
 
  「我同你識咗冇耐,上你屋企好咩?」明明係自己玩到尾班船冇埋都唔肯走。
  「噉唔通睇住你瞓街咩,打風酒店好貴架。」
  「你屋企有冇人架?」
  「啱啱去咗旅行,過幾日先返。」好彩屋企人真係飛咗,唔係我都唔敢帶佢返屋企。
 
 
  返到屋企打開電視,啱啱好轉咗八號波,過多陣仲落雨落到狗屎噉,真係好彩。佢問我可唔可以沖個涼換件衫,我搵咗好耐先搵到件以前一件Oversize嘅衫比佢著住先。當佢喺浴室著住叫大碼Tee出嚟嗰陣我真係吞咗吞口水,我一直都覺得女仔著住Oversize嘅男裝衫係有一股特別嘅吸引力,再加上佢本身嘅身材,好彩依排個人唔算燥熱,如果唔係肯定流鼻血。
 
 
  一男一女共處一室,兩個人都冇點講嘢,為咗令自己唔洗On99噉坐喺度,我拎支咗威士忌出嚟自斟自飲,點知佢眼甘甘望住我支酒。
 
 
  「想飲?」我問。
  「加冰唔該。」
  「好似有飲開咁喎。」
 
 
  不愧係飲嘢地方識嘅人,酒果然係大家共同與趣。傾下飲下,半支酒飲乾飲淨,我地指住對方嚟笑,我話佢紅到似蕃茄,佢就話我夠似蘋果,然後仲要摸住我個頭話我熱過佢。
 
 
  「見到你好難唔熱。」我話。
  「點解?」
   
 
  我冇答佢,只係一下抱住佢,然後直接錫起上嚟。佢頭半秒好似嚇親咁,不過好快就選擇咗配合我嘅行動。我地由梳化咀到上床,之後嘅事⋯⋯我都唔係好記得,大概係出面風雨飄搖,入面就飄乳瘋搖。
 
 
  去到第二日瞓醒,風球由八號上到十號,莫講話船,連車都唔見幾架。
 
 
  「死啦,會唔會今晚都返唔到去架。」
  「唔怕喎,咪喺度瞓多晚囉。」
  「你就緊係想啦。」
  「啱吖,我而家就想。」
 
 
  話口未完,屋外屋內又再係咁飄搖過。
 
 
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
Medium:https://medium.com/@moyinday

如果喜歡我們的文章,請即分享到︰

標籤: 毛言地  愛情  FF  甜故  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→