我女朋友同我講佢今日冇著底褲

毛言地 於 22/11/2018 發表 收藏文章
  自從馮盈盈下半身真空搶盡風頭,我地一班男人圍內討論咗好耐,張圖J完又J。
 
 
  話說噚日啱啱約咗女朋友喺銅鑼灣等然後食飯,佢一身連身裙打扮雖然係冇馮盈盈咁惹火,不過已經足夠吸引一個又一個路人回頭一望。就喺我行埋去拖住佢同時錫佢一啖然後準備起程嗰陣,佢企喺原地拉一拉我隻手示意我遞隻耳仔埋去,然後好細聲噉同我講咗一句嘢。
 
 
  「我今日冇著到底褲出嚟啊。」
 
 
  如果你有睇過周董嘅頭文字D,我個樣就同佢聽到好性感嘅泳衣之後一樣。我努力按奈住自己複雜嘅心情同急速充血嘅下半身,亦都冇問佢係咪唔記得著咁白痴,只係舔一舔自己咀唇,然後同佢行去食晚飯嘅地方。入到餐廳,侍應同我地講而家得返吧檯位,問我地有冇問題。平時我就冇所謂嘅,不過諗起今日女朋友真空,啲吧檯櫈又鬼死咁高,就算佢連身裙夠長我都仲係唔放心,行返出去搵咗一輪先搵到有二人位嘅餐廳。
 
 
 
  成個食飯嘅過程我女朋友都有意無意噉整下條裙或者換腳翹,搞到我成餐飯都唔知自己食緊啲乜。我細細聲問佢做乜今日玩啲咁刺激嘅嘢,佢嘻嘻噉笑兩聲,然後話今日突然想試一下平時一啲未做過嘅事,不過我心入面知道一定關馮盈盈事,因為啊晚同佢傾電話佢追問咗我好多對女仔唔著底褲嘅睇法。就喺餐飯差唔多食完嘅時候,佢突然又問我一個令人心跳加速嘅問題。
 
 
  「你話嗰晚馮盈盈返到去之後佢男朋友忍唔忍到呢?」
 
 
  我話一定冇男人會忍到,然後佢意味深長噉望住我,再嘻嘻噉笑咗兩下。雖然我份人唔算精甩尾,不過女朋友暗示得咁出面,我冇理由唔順佢意嘅。食完個飯,我連巴士都廢事等,直接截的士返屋企,當然上的士嗰陣我都好小心幫佢撳住條裙,廢事益個的士佬。
 
 
  嗰晚馮盈盈返到去忙咗幾耐我唔知,我知係知道我成晚都冇瞓過。望住佢身穿連身裙然後可以直接進入戲肉部份,依種刺激感真係前所未有。
 
 
  做馮盈盈男朋友真係幸福,當然,我都係。
 
 
FACEBOOK:https://www.facebook.com/MOYINDAY
TUMBLR:http://moyinday.tumblr.com/
Fanpiece:http://women.fanpiece.com/moyinday/
Medium:https://medium.com/@moyinday

如果喜歡我們的文章,請即分享到︰

標籤: 毛言地  愛情  底褲  馮盈盈  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→