做運動嘅女仔其實好吸引。 精選 推薦

　　好多女仔都唔願做運動，理由包括腳會粗，手會粗，最重要嘅係又攰又辛苦。十個女仔十個想瘦，但平時除咗行街又唔多願郁，結果好多女仔用盡食減肥藥同節食等等方法去減到皮包骨咁，有時望住佢地真係覺得陰公。
　
　
　　有人會覺得外國人靚係天生，Body Fit都係天生。Come On，君不見外國一樣有班肥到嚇撚死人嘅女人，佢地又何來天生嘅美？外國人身材好，其中一個原因就係佢地做運動嘅風氣比香港好好多，而靠運動而得嚟嘅身材，嗰種苗條得嚟又唔係只有骨感，手臂有肉之餘又唔會鬆泡泡嘅健美身形先係最引死人嘅地方。正如我今次簡依張配圖，兩位都係荷蘭嘅曲棍球國家隊成員，右面嗰位現年31歲但一啲肥肉都冇，如果你上網望望佢影嘅一啲寫真，佢條馬甲線，結實嘅肌肉線條除咗做運動真係冇其它方法。身為職業運動員，佢運動量肯定會比我地平時跑下步，最多做埋個HIIT嘅一般市民要高好多，連經過高強度訓練嘅佢都咁Fit咁有女人味，平時跑下步又點會搞到你隻腳愈嚟愈粗？只要你肯花多小小時間拉筋就可以。　
　
　　喺男人眼中，一個鐘意運動嘅女人唔止身材有吸引力，佢嘅生活習慣更加健康，日常生活更有活力，裡裡外外一切都係咁無懈可擊。如果你同一個做運動嘅女仔一齊，你地之間嘅活動唔再限於行街睇戲：得閒去行下山、放工有時間游個水、跑步都可以一齊互相鼓勵，就算夜晚要纏綿一下，大家體力更好自然可以更拎久玩更多花式。女人鐘意買衫，男人鐘意打機，大家成日為咗依啲事要嘈一餐。若果大家都有做運動嘅興趣，將做運動變為情侶間拍拖活動之一，唔只洗費小咗，身體又健康咗，一舉兩得。
　
　
　　近年將自己做運動嘅相擺上IG嘅女仔愈嚟愈多，當中屬女神級別嘅真係數唔哂。大家係時候放低對做運動嘅壞印像，準備好用今晚好好活動一下，好嘛？　
　
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材