唔知係咪睇得電影電視多，有啲人覺得望住一個女仔然後同佢講「等我」好似好浪漫：到條女真係等到條仔，大家就會攬埋一嚿，然後有個美好結局。
但點解條女要等你？
我最常聽到人講（已前嘅我都會咁諗）就係「我而家冇能力，但我會努力去變得更好。」亦有人會以依個做理由，希望自己女朋友可以繼續留喺自己身邊。可惜好多人都唔明，如果女朋友一直希望你可以上進啲，努力啲，佢想見到嘅係你唔會再對住公事得過且過，或者係個個月連五百蚊都儲唔到。唔係要你有一日有張印住你係CEO嘅卡片或者月入幾廿萬先叫改到，先叫成功，而係喺你仲係「冇能力」嗰陣你表現到你真係有去進步，唔需要即刻有成效，但一定要Feel到你嘅上進心。
當然啦，真係有女人拜金港女格嘅，但佢唔會留喺你身邊咁耐成日叫你生性，會直接釣金龜囉。
女人係一種好矛盾嘅生物：你可以話佢好蠢，佢會願意為咗愛情做好多傻事，甚至貼返條仔都肯；但同時佢地又好決斷，當有一日佢地想要未來而你比唔到佢，佢地唔會再喺你身上浪費一秒。點解會咁？因為愛情對佢地的確好重要，而你又係佢愛嘅人，所以為咗你而付出佢地從來都冇怨言；但女人嘅青春真係好有限，如果佢為咗你付出所有，但到頭來你連小小安全感都比唔到佢，甚至自己都未養掂自己，留喺你身邊，佢地真係冇未來。
女人可以唔洗靠你養佢，但起碼你要應付到自己生活，再有啲錢去拍下拖咁；或者你地有諗過一齊儲錢買樓嘅，女方都月供都五千，你連拎兩千都唔掂咁仲點行落去？你可以話凡事講錢好膚淺，但唔好忘記你生會緊喺一個資本主義，買樓最貴嘅香港，當冇錢連生存都做唔到嘅時候，仲講乜拍拖，講乜愛情？
與其你話條女唔肯等你，不如問下點解你衰到要條女開口叫你改不特止，你仲有面目一邊瞓喺梳化𢯎屎忽屠龍，一邊同佢講自己終有一日會變好。記住條女會等你嘅機會只得一次，當佢叫完你都唔肯郁，到最後心淡分手你地就基本上已經玩完。就算分手後你真係發奮圖強做個成功人士都好，佢都唔一定會再返返你身邊，因為你喺佢心目中就係瞓喺梳化𢯎屎忽屠龍，永遠都唔會變。
唔好再要你女朋友叫，唔好再敷衍應佢就算。愛佢就做好坐言起行，等佢知道你真係重視依段關係，你真係可以成為佢最後一個男人，唔係到佢走咗之後，你就真係喊都無謂。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
但點解條女要等你？
我最常聽到人講（已前嘅我都會咁諗）就係「我而家冇能力，但我會努力去變得更好。」亦有人會以依個做理由，希望自己女朋友可以繼續留喺自己身邊。可惜好多人都唔明，如果女朋友一直希望你可以上進啲，努力啲，佢想見到嘅係你唔會再對住公事得過且過，或者係個個月連五百蚊都儲唔到。唔係要你有一日有張印住你係CEO嘅卡片或者月入幾廿萬先叫改到，先叫成功，而係喺你仲係「冇能力」嗰陣你表現到你真係有去進步，唔需要即刻有成效，但一定要Feel到你嘅上進心。
當然啦，真係有女人拜金港女格嘅，但佢唔會留喺你身邊咁耐成日叫你生性，會直接釣金龜囉。
女人係一種好矛盾嘅生物：你可以話佢好蠢，佢會願意為咗愛情做好多傻事，甚至貼返條仔都肯；但同時佢地又好決斷，當有一日佢地想要未來而你比唔到佢，佢地唔會再喺你身上浪費一秒。點解會咁？因為愛情對佢地的確好重要，而你又係佢愛嘅人，所以為咗你而付出佢地從來都冇怨言；但女人嘅青春真係好有限，如果佢為咗你付出所有，但到頭來你連小小安全感都比唔到佢，甚至自己都未養掂自己，留喺你身邊，佢地真係冇未來。
女人可以唔洗靠你養佢，但起碼你要應付到自己生活，再有啲錢去拍下拖咁；或者你地有諗過一齊儲錢買樓嘅，女方都月供都五千，你連拎兩千都唔掂咁仲點行落去？你可以話凡事講錢好膚淺，但唔好忘記你生會緊喺一個資本主義，買樓最貴嘅香港，當冇錢連生存都做唔到嘅時候，仲講乜拍拖，講乜愛情？
與其你話條女唔肯等你，不如問下點解你衰到要條女開口叫你改不特止，你仲有面目一邊瞓喺梳化𢯎屎忽屠龍，一邊同佢講自己終有一日會變好。記住條女會等你嘅機會只得一次，當佢叫完你都唔肯郁，到最後心淡分手你地就基本上已經玩完。就算分手後你真係發奮圖強做個成功人士都好，佢都唔一定會再返返你身邊，因為你喺佢心目中就係瞓喺梳化𢯎屎忽屠龍，永遠都唔會變。
唔好再要你女朋友叫，唔好再敷衍應佢就算。愛佢就做好坐言起行，等佢知道你真係重視依段關係，你真係可以成為佢最後一個男人，唔係到佢走咗之後，你就真係喊都無謂。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
請按此登錄後留言。未成為會員? 立即註冊