明明付出咗咁多,點解佢感受唔到?

男人有話兒 於 27/02/2018 發表 收藏文章
相信好多朋友都曾經,或現在經歷緊一種狀態。就係鐘意對方,不斷為對方付出,希望有一日對方會感受到,但偏偏無論你做幾多野,佢都係無反應,好似你付出既野都係一場獨腳戲。
今日柳臣想同大家分享一句金句「鐘意一個人,係唔應該付出。」

咩謂之付出呢?付出其實即係交易,買方付出某種成本(可能係錢,亦可以係時間,心機,愛),換取賣方既某樣野作為回報。
用愛情黎講,你付出通宵既陪伴、精心既生日禮物、每日既關心問侯,往往係希望通過呢啲付出,換取對方既愛做回報。
當你付出既時候,必然係期待回報。所以當對方冇回報你既時候,你就會覺得唔公平,你就會問點解我付出咗咁多,佢都係唔鐘意我。

要解決呢個問題,首先你要明白,你係唔需要付出。
如果做某件事去令對方感受到你愛佢,係令你計較如此,令你覺得有成本,係一種付出既,不如索性唔好做。
正確既方法應該係做一啲你自己覺得舒服既事,你本身能夠樂在其中既事。
姐係做咗,你就會開心,而唔係想做黎換取對方既好感。咁件事先可以長久,你亦都唔會計較。

例如如果你俾好多時間去陪佢,係令你覺得點解我日日花咁多時間陪佢,佢都唔鐘意我既,咁就索性唔好陪。
因為你已經唔係樂在其中,你只係付出緊。而付出就係交易。係交易入面,最重要就係明碼實價。而家對方都未向你付款,你急住付出做咩姐?
相反如果你本身就有好多時間多出黎可以浪費唔介意,或者你陪住佢呢件事本身就令到你覺得開心(姐係就算冇其他回報,你都已經有開心呢個得益)。
咁就本身已經形成咗等價交換,你用時間去換開心。亦姐係話你唔會再有個種點解我付出咁多,佢都感受唔到。
因為你一開始就知道,自己由付出個一刻已經得到回報,至於你做既事會唔會令到佢對你有好感/愛意,已經係額外回報。
就算冇,你都冇損失。只有咁你先可以長期維持落去,同時你亦唔會咁著緊,就可以立於不敗之地。

留言


請按此登錄後留言。未成為會員? 立即註冊
    快捷鍵:←
    快捷鍵:→