【物理Ｘ戀愛】friendzone唔係一個zone，係一個field！ 精選

呢個話題柳臣想講好耐，但一定諗唔到好既標題入手，所以一路無寫。
好多人對friendzone有種誤解，你有冇曾經諗過自己係咪身陷對方既「friendzone」之中，你係咪已經被「friendzoned」？
如果你曾經有咁諗過，今次呢篇文你就應該留心睇。
－－－－－等等！先停落黎click入柳臣 fb page俾個like支持下，再繼續睇落去啦－－－－－
因為，呢個世界根本無所謂「friendzone」。

咩叫friendzone？zone必須要係一個area，一個區域。有一個空間先可以去放置一啲野。friendzone照字面解釋，姐係一個朋友既區域，裡面係要黎放置朋友既。
但係你幾時見過有人真係將朋友放入呢個「friendzone」入面？你會唔會同你所有朋友講，我「friendzone」你啊？
如果佢當你係朋友，佢根本唔需要「friendzone」你。所以技術而言，你係無辦法「身處」「friendzone」之中。

所以與其話「friendzone」係一個zone，倒不如話佢係一個field，一個friend-field。
field同zone有咩分別？field係一個力場，就好似香港人最熟悉既李氏力場咁，負責將啲野推走。
姐係你處於被對方既friend-field一直排斥既狀態之中，同zone唔同既係，zone係一個穩定既狀況，而field係一個持續活動既狀態。只要你一直靠近，對方既friend-field就會一直推開你。如果你繼續加大力度，令到你既力大過對方既friend-field可以承受既力，就會將對方推開。亦即係對方主動避開你。

點解柳臣唔鐘意用「friendzone」，唔係執著字眼咁簡單，而係「friendzone」其實令當事人覺得安隱，佢會覺得自己同對方處於一種關係之中，不是戀人這一塊，但起碼是朋友這一塊。
但事實上聽番好多覺得自己被「friendzone」既故事，對方根本唔係當你朋友，佢無「friendzone」你，佢係開啟咗friend-field想將你推開。
真係成為對方朋友的話，其實不一定就是壞關係。柳臣都聽唔少情人係由朋友開始，但而家口口聲聲話自己係「friendzone」入面個啲，多數都唔係真係「friendzoning」。

係接受唔到，所以呃自己等自己好過啲？定係直頭意識唔到「friendzone」只係一個大話？無論邊一個理由，只要你一日覺得自己「處身friendzone之中」，你一日都萬劫不復。