男人有話兒(11)你發夢,關我咩事?

男人有話兒 於 03/07/2017 發表 收藏文章
闊別三個月,男人有話兒終於有新題目啦!今次講既主題就係「女人發夢」。
根據佛洛伊德的夢的解析,佢認為夢係......我認為完全唔重要,想知佛洛伊德講咩自己去睇佢既學說。
重點係,連佛洛伊德番生都理解唔到,點解每次女人發完夢之後,都要發牌氣。
你發夢,關我咩事?

男人都會發夢,例如:春夢、春夢同春夢。但係你未曾見過男人夢醒一起身,會去追究番個夢。
但係女人完全係另一種生物,佢地對於夢,有住難冢理解既執迷。隨時一個夢就可以影響佢地一整日既心情,進而令到你都無好日子過。
而且係夢入面可能只係一啲無關痛癢既小事,就足以令到佢覺得「你有問題」。
點解你係夢入邊唔講鐘意我!點解你係夢入邊行街冇拖住我架!你係咪唔鐘意我!

夢境之所以係夢境,就係因為佢唔係現實。唔通男人發夢變身超人打怪獸,就代表現實真係有怪獸咩?
仲有一點,千祈唔好同女人爭拗。如果你夠膽同佢講:「發夢啫!又唔係真既。」
佢即刻會九秒九答你:「你知唔知夢係現實既反映!你一定係現實平時對我唔好,所以我潛意識透過夢境呈現出黎。」
你從來都唔知道,原來自己女朋友仲係一個心理學博士。你明明咩都無做過,都可以突然間變成「你對我唔好,我先會發啲咁既夢。」,完全係欲加之罪,大人我無野講啦。

其實女人咁緊張發夢,主要係因為佢地太鐘意幻想,比起男人,佢地腦裡面記憶體大部份都係由情感同幻想組成。所以佢夢到你出軌,同你真係現實出軌對佢造成既傷害係一樣。
所以對住呢種同男人構造完全唔同既外星生物,除咗用愛去包容佢地夢之外,你都別無他法,鬼叫你鐘意佢咩!
=====================
喜歡的話不要忘了到柳臣fb page給個like支持一下!
標籤: 發夢  感情  佛洛伊德  發牌氣  心理學  

留言


請按此登錄後留言。未成為會員? 立即註冊
    快捷鍵:←
    快捷鍵:→