遠離A0，珍惜生命 精選

有人對處男處女趨之若騖，認為A0就係真善美，總有覺得A0係滄海遺珠。
或者咁係因為每個人都會幻想自己搵到一個係古墓住咗十年既小龍女。
但你以為你執到寶？柳臣有一個好簡單既戒條：「遠離A0，珍惜生命。」
小龍女之所以係小龍女，係因為佢真係住係古墓，咁多年都見唔到男人。但係今時今日係香港，邊個人係十年未見過異性。
既然係一個建全既環境之下，A0依然到二十幾歲都仲係A0。咁呢個人總有啲唔健全既地方。
不論男女，A0都代表住對方有古怪。可能係眼角高，可能係唔識同異性相處，可能係個性討厭，可能係樣衰。係。無論係邊種理由，調教佢成為一個「識得去愛人既人」既責任都係交番另一個A0去開發啦！
我地呢啲正常人，如果唔想死得咁快，都係搵番個正正常常「識得拍拖」既異性最安全。

當然唔係話有過戀愛經驗既人就一定無問題，但係一個成年人又唔係住係古墓既A0就百分百有問題，絕無例外。
A0呢個標籤就好似佢額頭度刻住「內有惡犬」咁，雖然你唔知惡犬係咩品種，但係聰明人自會避之則吉。所以話「遠離A0，珍惜生命。」
＝＝＝＝＝＝＝＝＝＝＝＝＝＝＝＝＝＝＝＝＝喜歡的話不要忘了到柳臣fb page給個like支持一下！