你信唔信有前世今生？ 精選

百世修來同船渡，千世修得共枕眠。
到底需要幾多世既擦身而過，先可以換黎一對情人既終成眷屬？
阿豪唔知道。佢淨係知道，佢真係好鐘意呢個女仔。

「阿豪，你勇敢啲同佢講啦，話唔定得呢？」司徒鼓勵阿豪表白。
「講咩啫！要知一早知咗啦，呢啲野洗講出口架咩？」阿豪裝灑脫道。
阿豪從來未拍過拖，係傳說中既A0。對佢黎講，呢個佢鐘意既女仔，就係佢愛情世界既一切。「唓！到時被人搶走咗你就知！」司徒不屑地道。
「緣份既野，整定既！」阿豪相信，如果佢地真係有緣份，最後點都會係埋一齊。

就係咁，結果阿豪都無同呢個女仔表白。
而呢個女仔，後尾亦離開咗阿豪，去咗第二個國家。
阿豪送機個日，望住個個女仔。心裡面諗緊到底好唔好係佢離開之前同佢表白。

「夠鐘登機，阿豪我走啦！」個女仔企咗係度，瞪大隻眼望住阿豪，眼裡面有一點既期待。
兩人對視無言，心裡面都有說話想講，又唔知點講。但係佢地都知道，今次見面可能係最後一面。所以都唔捨得就咁就結束。阿豪第一次鼓起勇氣，拖住女仔隻手。個女仔緊張咁縮咗一下，阿豪幾乎下意識就放開手。
無人知道到底需要幾多世既擦身而過，先可以換黎一對情人既終成眷屬？
阿豪唔知道。佢淨係知道，佢真係好鐘意呢個女仔。

如果前世既因，組成今生既緣。
咁我注定結識你，注定無緣係埋一齊。阿豪無怨無恨。
但係我希望今生成為來世的前世，讓來世的今生能夠再續前緣。

係個女仔上機之前，阿豪無由來問咗一句：「你信唔信有前世今生？」
女仔呆咗一呆，唔知點解阿豪咁問。
「應承我，下一世我地要係埋一齊。」＝＝＝＝＝＝＝＝＝＝＝＝＝＝＝＝＝＝＝＝＝
喜歡的話不要忘了到柳臣fb page給個like支持一下！