毒L點出pool?

男人有話兒 於 21/06/2016 發表 收藏文章
是咁的,作為一個毒L,就要有作為一個毒L既自覺,知道自己有咩問題。

  毒L多數有幾個問題。第一,樣衰。係,就係樣衰。如果你本身係靚仔靚女,自然會有人溝你,出pool不過睇閣下心情。你可能會話,樣衰我都唔想架喎!天生架喎!不如講個好消息你聽,呢個世界九成人都天生樣衰,只有一成人係天生麗質。所以樣衰其實係有得執,襯下衫,執下個樣,化下妝,個人乾乾淨淨,就已經呃得下人。如果你照鏡時自己都覺得自己個look毒、摺、醜、柒、霉既,咁好難怪冇異性埋你身架喎!

  第二,唔好咁毒。叫你唔好咁毒,唔係叫你唔好做毒L。咩叫唔好咁毒,毒L其實係專家,你可以對日漫韓劇如數家珍,你可以講得出邊套動漫邊個角色係邊個聲優配音,仲知道佢幾時生日。但你可以唔知旺角尖沙咀有咩野食,唔知而家書局有咩新書。唔係要你咩都識,但起碼多D涉獵唔同範疇既資訊,睇多D新聞,多D出去玩,令到人地同你講野既時候,你唔會完全答唔上嘴。

  第三,學下點同異性正常相處。呢點其實冇咩好教,講白D就係多D實戰,少D FF,識多D異性。你當拍拖係運動,都要多D練習,不斷比賽先會進步啦!多D比機會自己去識唔同既異性,不論係發展朋友定係男女朋友關係,個pool愈大,出pool既機會自然愈大。
標籤: 毒L  樣衰  旺角  異性  相處  

留言


請按此登錄後留言。未成為會員? 立即註冊
    快捷鍵:←
    快捷鍵:→