又到情人節 精選

新年應該喜氣洋洋，但望一望日歷，2月14，萬惡的情人節又到了。
想說說，關於「又到情人節」這件事。

單身的人，不少選擇宅在家中一整天避節，反正也沒情人，也沒什麼好應節的。
同時，恨不得告之全世界自己單身的也很多。從某方面看，這種人比放閃的情侶更煩人。
一年共有13個情人節，每個月的14號前前後後兩三天，未見戀人大軍出動，先見這種單身怨男怨女頂著領旗搖旗吶喊。
這種感覺就像看見一堆和尚在聖誕節打齋，場面說不出的詭異不安。擁抱情人節、親吻情人節、綠色情人節．．．．．．13個情人節他們記得比情侶還清楚。
而且最詭異的是，下一年他們仍會捲土重來。這種持之以恆的毅力如果用在追求異性身上，肯定大有可為。

除了單身男女，情人節的正主自然是得愛情滋潤的情侶們。
這個節日對情侶總是驚喜不斷，第一次過是喜，第二次過是驚，再過三五七年，就是險了。
日久生情，情久生鏽。如果你第一年搞曬大龍鳳，又燭光又手製禮物。好啦，當你過左個甜蜜既情人節。第二年點算．．．．．．你敢唔敢食番轉頭？
然後成件事就好似利息咁逐年滾上去，好快就會發現「冇橋」，年年燭光次次手製禮物？買花買朱古力又好似太過例行公事。真係要準備心意，又十五十六唔知點準備好。太貴既自己未必負擔得起，太便宜又覺得唔夠體面。相反如果你第一年平平淡淡。然後一年係咁，兩年係咁，又怕感情會變淡。
情人節看似普通一個節目，卻是對情侶的一大挑戰。而且仲係衰左都未必知，因為對方未必會即刻爆發，睇左情人節份上俾面你唔出聲，卻積積埋埋係對方心中，到分手個日你先知對方已經「忍你好耐」。
兩個人一起，現實就係咁，新鮮感只會愈來愈少。如果過唔到自己個關（或者伴侶個關），好快就會接受唔到由熱情漸變平淡的感情生活。
一個失誤，輕則吵架悶悶不樂，重則分手各散東西。

情人節有危有機，不論對單身還是情侶都係。
其實如果真係天生腦容量細，諗到爆頭都唔知搞咩好，咪比多時間陪佢。不論你買花定放煙花，最終都係要比佢覺得你真係重視佢，令佢知道你關心佢。冇橋咪冇橋，直接用行動表達心意啦！只要對方睇到你真心付出，有冇燭光晚餐手製禮物其實都唔係最重要。情人節處理得好，自然係一次好好同對方培養情感，甚至係令雙方關係昇華既機會。
祝大家情人節快樂！