【風險管理Ｘ戀愛】什麼女人最吸引男人？

從結論入手，主動比起高質更重要。
好多女人覺得實係靚女有優勢，其實不盡然。

真的嗎？

男人在擇偶時，比女人理性得多，幻想也少得多。
理論上，一個完美10分的男人，目光理應放在10-11分的女人身上。
但事實往往10分的男人，不旦不會主動選擇追求10-11分的女人，反而會對7-8分的女人更積極展開追求。
這因為當中涉及風險管理，假設在無損失的情況下，任何人都會選擇利益最大化。
但現實情況下，男人主動追女仔仲要面對多一樣野，就係失敗既風險，亦姐係有機會承受損失，包括金錢、時間、心機、面子等等。《男人有話兒 １４》 已經提及過，人係會天生逃避失敗，而男人更加渴求成功感。
所以點解8分既女人比10分既完美女人更吃香，如此類推，8分既男人只會主動追5-6分既女人。
而大家都知道，呢個世界完美既男女好少，亦姐係話係男女市場上，大部份中上既男人，係target緊好一般普通既女人，而唔係「靚女」。
因為易追先符合降低損失既風險管理，想知咩叫易追可以睇番＜何謂「易追」？＞。

而且現實情況唔係咁數字化，上述既計法只係假設男人可以準確咁評估自己同對方既分數。
但大家都知道現實你唔會知道曬對方既所有資訊去評分（＜再一次證明「信任」是建基於「資訊」＞），因此實際上會再有所加減，再加上如果女人主動示好，令男人先覺得自己有機會，最後可能9分既男人會去追3-4分既女人，所以點解好多時我地見到高質既男人會同一個低分好多既女人一齊。所以主動既女人就掌握住更大既優勢，想更詳細了解女人先示好點解對男人黎講咁吸引，歡迎睇＜想擺脫渣男磁石就得明白這件事！為什麼女人應該主動示好！＞