鐘意女神，就好似頒獎俾陳奕迅一樣 精選 推薦

陳奕迅甩嘴忘詞唱四季

由於柳臣尋晚仲打緊term paper，所以都只係聽聞陳奕迅甩嘴。直到今朝睇到條片，都真係幾驚訝。但係轉念一諗，突然又覺得，「佢應該係咁架喎！你預咗架喎！」

呢個情況，就同鐘意咗女神一樣。
你都預咗佢睇你唔起，預咗佢唔會尊重你架啦！
你自己揀要頒獎俾佢既，佢都擺到明唔介意你個獎，唔在意你個台。
係佢心目中，you are nothing。

你可以話：「唓！你唔鐘意咪宣佈唔角逐囉！咁上到台連詞都唔記得何必呢？」
你幾時有見過女神唔收兵架？
吒咤之於陳奕迅，就好似兵仔之於女神。
she dont give a shit。你覺得失望，你又可以做咩？抵制佢？唔買佢既碟？唔好玩啦！你本身就無買碟，佢本身就唔靠食香港條水好耐啦！
香港人唔好以為佢靠你搵食先得架！

無計架！對住女神，你有本事就將佢拉落神枱，有本事你就供過第二個女神。
由你奉佢為神個一秒開始，你地既關係就預咗唔對等架啦！
兩樣你都做唔到，好難怪女神唔尊重你架喎？

柳臣fb:https://www.facebook.com/%E6%9F%B3%E8%87%A3-802134759816720/