男士們,千祈唔好搞錯咩叫溫柔!

男人有話兒 於 02/11/2017 發表 收藏文章
早前同幾個朋友傾開,點哄番女朋友。一時之間,有人話要道歉、有人話要講得出自己做錯咩、有人話要請佢食野。
七嘴八舌之際,柳臣冷不防講咗一句:「搞笑囉。」
大家停落黎好似望住外星人咁望住我,然後就炸開了。

「好危險架啊!」
「唔得架!佢會話你唔正經!」
「係啊!係啊!佢嬲緊仲引佢笑想死咩!」

於是柳臣突然茅塞頓開,明白點解咁多男士會中招。
一般人會點理解溫柔/紳士/努力/搞笑呢啲字眼?
原來好多男士覺得「佢做咗」,就係等於「佢做到」。
佢做咗溫柔體貼既舉動,佢就覺得自己溫柔體貼;
佢做咗紳士既表現,就覺得自己係紳士;
佢搞咗個gag,就覺得自己搞笑。

而做咗同做到係兩件事黎,做咗係自我中心既,只從自己出發,「我做咗啦!」,無顧及女朋友既感受。
咁梗係哄唔番女朋友啦!

但係做到,先係重點。我話「搞笑」可以哄番女朋友,其實全句既完整版係,「搞笑而令到佢笑咗可以哄番女朋友。」
你搞完gag佢笑咗出黎,你先為之搞笑,如果唔係「閣下就真係唔荒唔搞笑」。
所以了解呢一點之後,做咩都唔係重點,因為男士們唔係要溫柔/紳士/努力/搞笑,而係要令女方覺得你溫柔/紳士/努力/搞笑。
「令對方感覺到」先係最重要,「感情」「感情」,就係要去「感受」對方既「情」嘛。

就算唔係男女朋友關係,追求異性其實都係同樣道理,少啲諗自己做咗啲咩,多啲睇實際上佢點睇你做既野。
你做好多野,佢唔開心,結果而言你就只係做咗一啲「令佢唔開心既野」。
相反就算你咩都無做,只要佢開心,你就係做咗「令佢開心既野」。
溫柔體貼,不是自己說。

如果喜歡我們的文章,請即分享到︰

標籤: 哄女朋友  舉動  溫柔體貼  貼心  暖男  

留言

會員
我要評論
請按此登錄後留言。未成為會員? 立即註冊
  • Karis Wong
    Karis Wong 於 03/11/2017 評論 NO. 1

    Stanley Classic

  • @michael@
    @michael@ 於 05/11/2017 評論 NO. 2

    啱,做左。。同做到,係兩碼子事。
    男人自我太強,自我感覺良好就算,感覺係相方的。痛,都要有人打你,搣你才會有。

快捷鍵:←
快捷鍵:→