男人氹女人不外乎三種方法

男人有話兒 於 11/12/2017 發表 收藏文章
古語有云:女朋友係要氹既。而男人氹女人不外乎都係三大法寶,甜言、美食,以及禮物。
甜言唔係個個擅長,美食女朋友又驚肥,於是最容易又最方便討好女朋友既方法,就係送禮物。
每當男人諗起送禮物就會頭痕,情人節,生日,聖誕,送花又嫌老套,送禮物又唔知買咩。
但係我同其他人唔同既係,好多男人只會過時過節先黎臨急抱佛腳,不斷上網搜索有咩禮物可買。
而我,有一個秘密既禮物盒。
一個專放女朋友禮物既禮物盒,每當我要送禮物既時候,我就係入面搵一件出黎送。

禮物盒有啲似我地細個裝玩具既箱咁大,裡面儲滿咗各種小禮物,包括小飾物、公仔、或者實用品之類,林林種種咩都有。
只要平時多啲留意女朋友喜好,儲定一堆禮物係度,到要氹女朋友既時候就唔需要傷腦筋慢慢諗。
平時行街見到佢鐘意啲咩,就先行記低買低,將呢件事變成生活既一部份,逐少逐少咁儲起,揀禮物其實一啲都唔難。

禮物代表住心意,了解,同驚喜,只係無論禮物盒入面準備再多既禮物,都無佢真正需要既野。
愛情很容易讓人迷失,但時間總會讓人看清一段關係。
係分手之後,好幾次望住個禮物盒,心裡面就會揪住揪住,既唔捨得丟到垃圾桶,亦斷唔可能將呢啲禮物轉贈他人。
始終係一份份未及送出的情意,每次望住個禮物盒,我都會諗番起佢。
個禮物盒提示住我,個段過咗去既關係曾經係幾咁親密。
佢曾經鐘意啲咩,想要啲咩,我全都知道;而家我連佢係邊度,做緊咩都唔知。
由最親近到最陌生,原來只係相隔一句話:
因不了解而一起,因了解而分開。

你又會點處理前度既遺物?歡迎到柳臣fb話我知你點做^.^

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→