【男人最賤──唔鐘意你又要拖住你】

男人有話兒 於 01/06/2017 發表 收藏文章
男女之間其中一樣好唔同既野就係,女人好重視說話。無論係佢地講野,定係聽對方講野。
所以如果聽唔到對方親口同佢講一句:「我唔鐘意你,你走啦!」佢係唔會走。
男人總係覺得有啲野唔洗講到出口,對方應該心照。
所以無論係「我愛你」定係「我唔愛你」,男人都會避免講出口。
「佢明架啦!」每個男人心入面,都有呢一種僥倖心態。

每個賤男背後,都總有一個怨女。
唔甘心,覺得對方都無拒絕自己,覺得話唔定自己有機會呢!
覺得「如果佢唔鐘意我,點解唔同我講?」係外人眼中,總會覺得個賤男明明唔鐘意你又要拖住你。
但是反問下自己,點解要同你講?佢有咩責任要對你投放係佢身上既感情負責?你又唔係佢邊個。

講真個句,對腳生係你身上,你如果肯走,佢又點會拖得住你。
既然係你自願選擇留係對方身邊,等對方憐憫(憐憫同你一齊,或者憐憫了結你),就唔好話人拖住你。因為只係你拖住人唔肯放。
你有鐘意一個人既權利,就同對方有唔鐘意你既權利一樣,大家都係向自己負責,誰都不必對對方負責。
鐘意一個人唔係你既錯,但係當你明知對方唔愛你,呢個時間應該先放手個個,係你自己。

有沒有 有沒有 你只要答有沒有
而你默然 還要問嗎?

標籤: 賤男  怨女  放手  一句到尾  陳小春  

留言


請按此登錄後留言。未成為會員? 立即註冊
  • 亞男 於 05/06/2017 評論 NO. 1

    其實不分男女既,我覺得人地真心對你好,講清楚大家都好囉

  • 閒雲野鶴 於 09/06/2017 評論 NO. 2

    講到宜家得男人先係負心漢咁,女人收兵就唔消耗男人生命喇喎,幾多女人騎牛搵馬你又當冇呢回事?

快捷鍵:←
快捷鍵:→