我唔係唔夠愛你，而係我仲未準備好自己 精選

　　「我唔係唔夠愛你，而係我仲未準備好自己。」

　　「咁你想點？」

　　「．．．．．．」

　　「你仲要我等你幾耐？」

　　「我．．．我不值得你等我。」

　　「咁你又話你鐘意我？」

　　「我真係鐘意你！」
　　「咁你到底驚啲咩？」

　　「我無信心比到最好既野你，我怕我無能力比到幸福你。」

　　「你連試都唔敢試，點知姐？」

　　「我覺得而家既我，仲未準備好去開展一段新既關係。」

　　「你除咗識口口聲聲話鐘意我之外，你仲夠膽做啲咩？你連同我一齊都唔夠膽！」

　　「我唔係唔敢，但我唔想衝動開始，最終又再分手收場。」
　　「無人可以保證將來會發生啲咩，但咁唔代表我地永遠唔應該開始。」

　　「比少少時間我，我應承你，等我準備好．．．．．．」

　　「你到底仲需要準備啲咩？錢？樓？成熟？六舊腹肌？準備到幾時先叫準備好？」

　　「唔係，我．．．．．．」

　　「不如我話比你聽你到底有咩未準備好？係勇氣，接受表白失敗既勇氣，面對未知既勇氣，再次承受風險既勇氣。」

　　這段對話，停留在我腦海中，只因現實生活中的我，連對她說：「我唔係唔夠愛你，而係我仲未準備好自己。」的勇氣都沒有。