【女人有話兒】點解我地唔鐘意「好人」？ 精選

有種男人柳臣睇唔過眼好耐，最鐘意暗示自己因為「好人」所以無桃花埋身。可唔可以唔好再用「好人」黎包裝自己「唔識追女仔」。
女人都鐘意壞男人，一定係自己太好人，所以唔鐘意自己。
「太好人」都講得出口，聽到作嘔。閣下到底那來的自信．．．．．．

好？邊度好？睇過？
你只係廢，唔係好。

首先，你就唔係一個好人。
你有幾好？你話你對佢好好？因為鐘意一個人而對佢好，有咩咁特別？有咩咁值得攞出黎講？你無桃花唔係因為你係好人定壞人，而係你有幾吸引人。
你對一個追求緊既女仔好，同「好人」呢兩個字完全沾不上邊，呢種「好人」極其量只係「好想溝人」。

而點解個啲自認係好人既男人總係無桃花，原因係除咗好人（自詡），佢地大多一無是處。
姐係總的而言，你又唔係真係好人，又一無是處，咁女人自然「好好人」咁送張好人卡俾呢啲廢物男人。

唔怕直講，要令女人覺得你吸引，斷唔係操行攞Ａ就有用。而要改變成為有魅力既男人，第一件事就要睇清楚自己既問題所在。唔好再FF自己係好人，然後淨係識怪女人唔識欣賞。你根本無值得人地欣賞既地方啊好人先生。