點樣令到男朋友調返轉想抱住你？ 精選

「男朋友成日都話要留喺屋企,又少左講甜言蜜語氹我，我真係好懷疑佢係咪仲中意我」

作為女朋友既你可能有以上既煩惱...但係如果佢平時對你仲係好好,唔會講十九幾個藉口唔理你，行為上又冇閃閃縮縮既話，暫時唔使擔心佢係咪變左心。反而要諗下你地會唔會因為拍耐左拖，慢慢由日見夜見既戀人變成穩定既屋企人！

以前你地啱啱一齊嗰陣佢咩都會為你做，買糖水啦、送驚喜禮物、同你周邊去，依家關係穩定左，佢覺得你走唔甩佢掌心，所以唔再好似以前咁花咁多時間同心思氹你。不過唔代表佢對你既愛減少左，相反佢對你有信心，唔會咁易比人搶走先至放鬆戒備，唔諗用咩招式箍實你。
但若然你想男朋友見到你會再次動心，等佢好似以前咁攬下你又可以點做呢？

1.試下煮飯比佢食

你都知香港女仔好少識煮飯，因為父母都當女係公主咁，連家務都唔使做。所以如果你肯行下書店或者上網搵食譜，著上圍裙煮餐飯比男朋友食，佢望到你為佢努力準備晚飯，切菜、煲湯個樣，一定感動到想即刻攬住你。

2. 帶佢食好野、喺佢面前好好享受食物

你以為男人都中意女仔唔食野？錯了。咁樣只會令男朋友掃興，連佢地都冇胃口。其實佢地中意睇住女朋友好開心食野個樣，如果你成個小朋友咁瞇埋眼讚啲野好食，咁佢都會比你影響到覺得好幸福架。
3. 唔好成日黑面、嗲多啲

有冇試過見到佢嗰陣好興奮咁跑向佢度？衝埋去攬住佢：「終於見到你喇！」會為你地既約會建立好開始架。同埋得閒就訓喺佢膊頭上面望住佢，當佢問你做咩，你話：「冇呀，你好靚仔之嘛」實會搞到男朋友暗爽。仲有試下送禮物比佢啦，唔係男人先可以做主導架嘛！你喺佢身邊一定知佢中意/想要啲咩，買禮物氹返佢開心都得架，男朋友好心情既話自然對你好啲啦。