第一次約會唔想冇下次？有11點要注意！ 精選

有人第一次同心目中既女神/男神約會，但就因為緊張而成晚冇乜講過野，又或者犯左唔知咩錯搞到對方好嬲。唔想令到原本美好既約會衰左，不如睇下以下11點惡補下啦：


1. 睇時機做人

唔可以太進取突然拖佢隻手，因為可能對方未想咁快一齊架嘛，亦唔可以太怕醜完全唔出聲，應該懷住同朋友行街食飯既輕鬆心情。咁當然假若對方刻意同你有身體接觸，你到時就要識執生喇。

2. 千祈唔可以遲到

其實對任何人都係好唔尊重既表現，你既第一印象會因為咁而變差，甚至覺得你份人冇時間觀念同埋自我中心。

3. 唔需要著得太正式

可以試下萬年不敗既打扮：男仔既就斯斯文文文，姐係裇衫牛仔褲；女仔就連身裙或者短裙，唔好問我點解一定要裙，因為會有女人味啲，好似係。
4. 可以嘗試帶佢睇戲

漆黑既環境下令人產生恐懼，分分鐘佢會驚得濟攬住/挨落你度(當然情況可以調轉啦)，腎上腺素上升會增加大家愛意。或者你依家唔會信我，但係睇戲真係有真實研究證明有用架。

5. 唔需要爭埋單

如果你話請佢佢又拒絕，然後佢又話請返你你又拒絕，成件事睇落其實核突。基本上AA制就可以啦，亦可以講：「多謝呀，下次我請返你！」，咁就可以為下次約會埋下伏線。

6. 做好金錢管理

唔好帶佢去食太貴既餐廳或者佢想要咩都買比佢，因為佢會預你每次都會咁做。
7. 做個細心既約會對象

呢點都講左二億次有多，記住帶定紙巾同遮，有緊急事可以顯體貼一面，加爆分。

8. 絕不提大家既陳年往事

呢啲係已經發展到戀人先慢慢了解，或者對方主動問起先講少少啦，始終唔係個個都有興趣知你既舊史。

9. 唔好講太多爛gag

並唔係個個人中意搞怪既對象，反而會為左夾硬比唔知咩反應你而尷尬。

10. 千祈唔好掛住傾wtsapp或者睇電話

如果係咁不如同電話拍拖就無謂浪費大家時間。
11. 請先整理自己既儀容

我諗佢未咁快接受到100%既你...所以請收好突出既鼻毛/頭皮/牙屎，同埋定期執下亂七八糟既手袋。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情Lovestoryhk
/定期更新愛情文章架，多謝支持/

_________________________________________________________________